14-12-2017
HOME
ABOUT US
CONTACT US
 
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1041
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
ခေတ်ပြိုင်စီးပွားအမြင်
ဘဏ္ဍာရေး အရည်ပျော်ကျမှု နောက်တစ်ကျော့ ပြန်လာဦးမှာလား

အမေရိကန် ပြည်ထောင်စုအနေနဲ့ ၎င်းတို့ကိုယ်တိုင် ပုံဖော်ဖန်ဆင်းထားတဲ့ ဘဏ္ဍာရေး မတည်မငြိမ်ဖြစ်မှုကို အသေအချာ ဂရုတ စိုက် ကိုင်တွယ်ဖြေရှင်းမှု မပြုလုပ်ခဲ့ရင် ၂ဝဝ၈ ခုနှစ်က ဘဏ္ဍာရေး အရည်ပျော်ကျမှုလို ဂလိုဘယ် ဘဏ္ဍာရေး ပြိုလဲမှုကြီး ဖြစ်ပေါ် လာနိုင်တယ်လို့ မကြာ သေးမီက  TIME မဂ္ဂဇင်းရဲ့ အင် တာဗျူးတစ်ခုမှာ  Raghuram Rajan  က ထုတ်ဖော်ပြောဆိုခဲ့ပါ တယ်။

ရာဂူရမ်းရာဂျန် ဘယ်သူလဲ

ရာဂူရမ်းရာဂျန်ဟာ ကမ္ဘာ့ ဘောဂဗေဒပညာရှင် အသိုက်အ ဝန်းထဲမှာ လူသိများပြီး ကျော်ကြား သူတစ်ဦးပါ။ ခုတော့ သူဟာ အိန္ဒိ ယ ဗဟိုဘဏ်-  Reserve Bank of India ရဲ့ ဥက္ကဋ္ဌအဖြစ် တာဝန် ထမ်းဆောင်လျက် ရှိတယ်။

ရာဂျန်နဲ့ ပတ်သက်ပြီး ၂ဝဝ၅ ခုနှစ်က ဖြစ်ရပ်တစ်ခုကို မီးမောင်းထိုးပြချင်တယ်။ အဲဒီတုန်း က သူဟာ အပြည်ပြည်ဆိုင်ရာ ငွေ ကြေး ရန်ပုံငွေအဖွဲ့- International Monetary Fund- IMF မှာ အကြံပေးပုဂ္ဂိုလ်အဖြစ် တာဝန် မ်းဆောင်နေတဲ့အချိန်။  Wynming ပြည် နယ် Jackson Hole မှာ ကျင်းပတဲ့ အထင်ကရ ဘောဂ ဗေဒပညာရှင်များနဲ့ ဘဏ်လုပ် ငန်းရှင်များရဲ့ နှစ်ပတ်လည် အခမ်း အနားတစ်ခုမှာ ရာဂျန်က မိန့်ခွန်း မြွက်ကြားခဲ့တယ်။

သူ့ရဲ့ ပြောကြားချက်ထဲ မှာ ကြွရောက်လာကြတဲ့ ပရိသတ် များအနေနဲ့ ဘယ်လိုမှ မျှော်လင့် မထားတဲ့အကြောင်းအရာ တစ်ခု ကို ထည့်သွင်းပြောဆိုခဲ့တယ်။ သူ က အခုအခါ ကမ္ဘာ့စီးပွားရေးဟာ အင်မတန် ကောင်းမွန်နေပါတယ် တဲ့။ ဒါပေမယ့် ဈေးကွက်များရဲ့ အခြေအနေတွေဟာ အင်မတန်မှ ရှုပ်ထွေးလာတယ်။ ဒီဈေးကွက်များက လူတိုင်း သဘောပေါက်နားလည်ဖို့ မလွယ်ကူတဲ့  ဘဏ္ဍာရေး ကိရိယာတွေကို တိုးတက်ထုတ်လုပ် ရောင်းချနေကြတယ်။ ပမာအား ဖြင့်  Credit-Default Swaps တွေ လို ပြီးတော့ Mortage-Backed Securities တွေလိုဟာမျိုးတွေကို အများအပြား ရောင်းချနေကြ တယ်။ ဒီလို ရောင်းဝယ်မှုများကြောင့် ဘဏ္ဍာရေး စနစ်ဟာ ထိခိုက်အနာတရ ဖြစ်နိုင်တယ်။ ဘဏ္ဍာရေး လောကတစ်ခုလုံး ပြိုလဲသွားနိုင် တယ်လို့ ရာဂျန်က သူ့မိန့်ခွန်းထဲ မှာ ထည့်သွင်းပြောကြားခဲ့တယ်။

ဟုတ်ပါတယ်။ အဲဒီအချိန်က အမေရိကန် စီးပွားရေး စန်းပွင့် နေချိန် ဖြစ်လေတော့ ဘယ်သူကမှ ရာဂျန်ရဲ့ သတိပေးစကားကို အရေး တယူ မလုပ်ခဲ့ကြဘူး။ ဒါပေမယ့် မကြာပါဘူး။ ၂ဝဝ၈ ခုနှစ်ရောက် တော့ ရာဂျန်ပြောခဲ့သလိုပဲ အမေ ရိကန် ဘဏ္ဍာရေးလောကကြီး ယိုင်လဲသွားတယ်။ အမေရိကန် စီးပွားရေးတစ်ခုလုံး အောက်ခြေတိုင်အောင် ထိုးကျသွားတယ်။ ဒါနဲ့ ဆက်နွယ်ပြီး ကမ္ဘာတစ်လွှားက ဖွံ့ဖြိုးတိုးတက်ပြီး Developed  နိုင်ငံ တွေမှာလည်း စီးပွားရေး ကျဆင်း သွားတယ်။

ဒီတော့မှပဲ ကမ္ဘာတစ် ဝန်းက ဘောဂဗေဒ ပညာရှင်များ က ရာဂူရမ်းရာဂျန်ရဲ့ အမြင်စူးရှမှု ကို လက်ခံလာကြတော့တယ်။

ဆက်စပ်လို့ ပြောချင် တာတစ်ခု ရှိပါတယ်။ အဲဒီတုန်းက ဖွံ့ဖြိုးဆဲ- Developing နိုင်ငံတွေ နဲ့ ထွန်းသစ်စ စီးပွားရေးတွေ- Emerging Economies ဟာ အမေရိကန်ဘဏ္ဍာရေး ပြိုလဲတော့ မှာကို ကြိုကြိုတင်တင် မမြင်မသိခဲ့ ကြပေမယ့် အရင်းရှင်နိုင်ငံတွေရဲ့ အပြုအမူကို စောင့်ကြည့်ပြီး မလို လဲလိုလဲ နိုင်ငံခြား အရန်ငွေတွေ- Foregin Exchange Reserve  စု ဆောင်းထားခဲ့ကြတဲ့အတွက် သိပ် ပြီး အထိမနာခဲ့ကြပါဘူး။ ကံကောင်း ခဲ့ကြတယ်လို့ ဆိုနိုင်ပါတယ်။

ရာဂျန်ဟာ American Finanace Association က ချီးမြှင့်တဲ့  Fischer Black  Prize ကို လည်း ၂ဝဝ၃ ခုနှစ်က ရရှိခဲ့ဖူး တယ်။ American Economic Review  စာစောင်နဲ့ Journal of Finance ဂျာနယ်တွေရဲ့ အယ်ဒီ တာ ဘုတ်အဖွဲ့ဝင်တစ်ဦးအဖြစ် လည်း ပါဝင်ခဲ့ဖူးတယ်။

နောက်ပြီး ရာဂျန်ဟာ Saving Capitalism from the Capitalists နဲ့ Fault Lines- How Hidden Fractures Still Threaten the World Economy ဆိုတဲ့ စာအုပ်များကိုလည်း ရေး သားထုတ်ဝေခဲ့တဲ့ပုဂ္ဂိုလ် ဖြစ်တယ်။ ၂ဝ၁ဝ ပြည့်နှစ်က ထုတ် ဝေခဲ့တဲ့ Fault Lines  စာအုပ်ဆို ရင်  Financial Times/ Goldman Sachs တို့က ၂ဝ၁ဝ ပြည့်နှစ် အကောင်းဆုံး စီးပွားရေးစာအုပ် Book of the Year အဖြစ် ဆုချီး မြှင့်ခြင်း ခံခဲ့ရတယ်။

ရာဂျန်ရဲ့ အတွေးအမြင် တွေကလည်း ပွင့်လင်းတယ်။ သူက ဥစ္စာဓန ဖန်ဆင်းနိုင်မှုဟာ လူတိုင်း အတွက် ကောင်းပါတယ်။ ဒါပေ မယ့် ဒီလို ဥစ္စာဓန တိုးတက်ဖန် ဆင်းနိုင်မှုဟာ အစိုးရနဲ့ နီးနီးကပ် ကပ်တွေ့ထိမှုကြောင့် ဖြစ်ပေါ်လာ တယ်ဆိုရင်တော့ မကောင်း ဘူး။ ပြဿနာ ရှိတယ်။ နိုင်ငံရေးသမား တွေနဲ့ စီးပွားရေး  လုပ်ငန်းရှင်များ  အကြား ဆက်ဆံရေး တိုးတက်ခိုင်မာလာတယ်ဆိုရင် ဒါက အန္တရာယ် ရှိတယ်။ စီးပွားရေးလောကမှာ ယှဉ်ပြိုင်မှု ကင်းမဲ့သွားနိုင်တယ်။ တိုင်းပြည်စီးပွားရေး တိုးတက်မှု လည်း တစ်နေ့မှာ ဆုတ်ယုတ်ကျ ဆင်းသွားနိုင်တယ်။ နောက်ဆုံးမှာ အများပြည်သူတွေက 'ဒါဟာ ဒီမို ကရေစီလား' လို့ မေးခွန်း ထုတ် လာနိုင်တယ်။

ဂလိုဘယ် ဘဏ္ဍာရေးစနစ်ရဲ့ အက်ကြောင်းများ

မွမ်ဘိုင်းမြို့ အိန္ဒိယဗဟိုဘဏ် အဆောက်အအုံမှာ TIME မဂ္ဂဇင်းက ရာဂူရမ်းရာဂျန်နဲ့ တွေ့ဆုံမေးမြန်းခဲ့စဉ်က ရာဂျန်ဟာ ဂလိုဘယ် ဘဏ္ဍာရေးစနစ်နဲ့ ပတ်သက်ပြီး သူ့ရဲ့ စိုးရိမ်ပူပန်မှုတွေကို ထုတ်ပြခဲ့ပါတယ်။ သူက အဓိက အချက်လေးချက် တင်ပြတယ်။

ပထမအချက်က ကမ္ဘာ့ဘဏ္ဍာရေးလောကမှာ အတိုးနှုန်းများ- Interest Rates ရေရှည်နိမ့် ကျနေမှုဟာ တစ်နေ့ ဒုက္ခပေးနိုင်ကြောင်း ရာဂျန်က ထောက်ပြ တယ်။ ဗဟိုဘဏ်များက ပြဿနာ ဖြေရှင်းရေးအတွက် ငွေကြေးမူဝါဒ - Monetary Policy ကို အတိုင်း အတာ တစ်ခုအထိပဲ အသုံးပြုနိုင်တယ်။ အဲဒီအတိုင်းအတာကို ကျော်လွန်ပြီး ဆက်လက်ကာ ငွေ ကြေးမူဝါဒ ကိုင်စွဲအသုံးပြုခဲ့ရင် ကောင်း တာ ဖြစ်လာဖို့ထက် မ ကောင်းတာပဲ ပိုပြီး ဖြစ်လာနိုင် တယ်လို့ သူက ဆိုတယ်။

ဗဟိုဘဏ်များက ဈေးကွက်များကို ကယ်တင်ပေးမယ်လို့ ပြောလာခဲ့တာ နှစ်အတော်ကြာခဲ့ပါပြီ။ ဗဟိုဘဏ်တွေက အတိုးနှုန်း များကို သုညနီးနီး လျှော့ချပေးထားခဲ့တာလည်း ကြာပြီ။ ဈေးကွက်များထဲမှာ ငွေဖြစ်လွယ်မှု- Liquidity ရှိအောင် နည်းလမ်း အမျိုးမျိုးနဲ့ ဗဟိုဘဏ်များက အားဖြည့်ပေးခဲ့ကြတယ်။ ဒီလိုလုပ်ရပ်တွေကြောင့် အက်ဆက်ဈေးနှုန်းတွေ မြင့်တက်လာခဲ့တယ်။ ဖြစ်သင့်ဖြစ် ထိုက်တဲ့ အခြေခံဈေးနှုန်း အဆင့်တွေထက် သိသိသာသာ ကျော်လွန်မြင့်တက်လာတယ်။ ဒါကြောင့် တချို့ကိစ္စ တွေမှာဆိုရင် မကောင်းသတင်းဆိုး များ ထွက်ပေါ်လာတဲ့အခါ ဈေး ကွက်များ ပိုပြီး ထိလွယ် ခိုက်လွယ် အနာတရ ဖြစ်လာခဲ့ကြတယ်။

အခုအခါ ငွေဖောင်းပွမှု နှုန်း- Inflation Rate ကလည်း အင်မတန် အားပျော့နေတယ်။ ဒီ လို အင်ဖလေးရှင်းနှုန်း နိမ့်ကျနေတဲ့အ တွက် ဗဟိုဘဏ်တွေအနေနဲ့ ဈေးကွက်များထဲကို ငွေဖြည့်တင်း ပေးမှု ဆက်လက်လုပ်နေကြဦးမှာ ဖြစ်တယ်။ (ဆိုလိုတာကတော့ ဗဟို ဘဏ်တွေ ဆက်လက်ပြီး ငွေစက္ကူ တွေ ရိုက်နှိပ်ထုတ်ဝေပြီး ဈေးကွက် များထဲ ပုံအောထည့်သွင်းကြဦးမှာ ပဲ ဖြစ်တယ်။) ဒီလိုနဲ့ တစ်ချိန်ကျ ရင် ဈေးကွက်များထဲ ငွေဖြည့်တင်း ပေးမှုများ ဆွဲဆန့်ချဲ့ကားလွန်းမှု ကြောင့် လွန်ကျွံမှုတွေ ဖြစ်လာနိုင် တယ်။

အဲသလိုဖြစ်လာရင် ငွေဖောင်းပွမှုအရိပ်လက္ခဏာတွေ တွေ့မြင်လာရနိုင်တယ်။ ငွေဖောင်းပွလာတာနဲ့ ချက်ချင်းပဲ အတိုးနှုန်းတွေ မြင့် တက်လာတော့မယ်။ ဈေး ကွက်များလည်း ရုတ်တရက် အရမ်း ကာရော တုံ့ပြန်မှုတွေ ဖြစ်ပေါ် လာနိုင်တယ်။ ဒီလိုအခြေအနေ ဟာ အင်မတန် စိုးရိမ်စရာ ကောင်း ပါတယ်လို့ ရာဂူရမ်းရာဂျန်က ဆို တယ်။

ရာဂျန်တင်ပြတဲ့ ဒုတိယ အချက်က ငွေကြေးကို အလွန် အမင်း အလွယ်တကူ ရရှိနေမှု ကြောင့် အရင်း- Capital ကို ခွဲ ဝေသတ်မှတ် သုံးစွဲတဲ့အခါ တလွဲ တချော် ဖြစ်သွားနိုင်တယ်။ ဒီလို အလွဲလွဲ အချော်ချော် ဖြစ်မှုက အချိန်ကာလ တစ်ခုအထိ အရင်း ရဲ့ဈေးနှုန်း ကို ပြောင်းလဲသွားစေပြီး အရင်းအနှီးအပေါ် ဆုံးဖြတ်ချက်များကို ပုံပျက် ပန်းပျက် ရွေ့စောင်းသွားစေနိုင်တယ်။ ဒီလိုဆိုရင် စီး ပွားရေး သဘောသဘာဝက ဘယ်လိုဖြစ်သွားမလဲ။ သတ်မှတ်ထားတဲ့ အမှန်တကယ် အတိုးနှုန်းဟာ ဖြစ်သင့်ဖြစ်ထိုက်တဲ့ သဘာဝ အတိုးနှုန်းအောက် လျော့များလျော့ နည်းနေသလား။ အတိုးနှုန်းဟာ ဖြစ်သင့်တဲ့နှုန်းအောက် လျော့နည်း နေခဲ့ရင် ရင်းနှီးမြှုပ်နှံမှုလည်း မှန် ကန်တဲ့ ရင်းနှီးမြှုပ်နှံမှု မဖြစ်နိုင် တော့ဘူး။ စီးပွားရေးအတွက် အသင့်တော်ဆုံး ရင်းနှီးမြှုပ်နှံမှုကို ဖော်ဆောင်နိုင်မှာ မဟုတ်တော့ ဘူး။ ဒီအတွက်လည်း အလွန် အမင်း စိုးရိမ်မှု ဖြစ်ရပါတယ်လို့ ရာဂျန်က ဆိုတယ်။

သူ ထောက်ပြတဲ့ တတိယအချက်ကတော့ နိမ့်ကျနေတဲ့အတိုးနှုန်းကို အလျင်အမြန် ပြောင်းပြန်လှန်ပစ်လိုက်မယ်ဆိုရင် အန္တရာယ်ရှိ တယ်။ လောလောဆယ် ကျွန်ုပ်တို့ဟာ ကျဉ်းထဲကျပ်ထဲ ရောက်နေတယ်။ အတိုးနှုန်းကို ချက်ချင်း ပြောင်းပြန်လှန်ပစ်လိုက်ရင် ထိခိုက်နစ်နာမှု ကြီးမားနိုင်တယ်။ အမေရိကန်ဗဟိုဘဏ်- U.S Federal Reserve က အရာရှိကြီးတွေ ပြောသလို ဒီအကျပ် အတည်းထဲက ရုန်းထွက်ဖို့တော့လိုတယ်။ ဒါပေမယ့် ရုန်းထွက်တဲ့အခါ ကြိုတင်တွက်ဆ ခန့်မှန်းပြီး သတိကြီးစွာနဲ့ ထွက်ဖို့လို တယ်။ တစ်ကြိမ်တည်း တစ်ခါတည်းနဲ့ ဗြုန်းခနဲ မထွက်သင့်ဘူးလို့ ရာဂျန် က ဆိုတယ်။

သူ တင်ပြတဲ့ စတုတ္ထနဲ့ နောက်ဆုံးအချက်ကတော့ ဒီကနေ့ အမေရိကန် ဦးဆောင်တဲ့ ဂလိုဘယ် ဘဏ္ဍာရေးစနစ်ထဲမှာ ညှိညှိ နှိုင်းနှိုင်းနဲ့ ချိတ်ဆက်မိအောင် ဆောင်ကြဉ်းလုပ်ဆောင်ကြတာ မရှိဘူး။

တကယ်တော့ ချိတ်ဆက်မမိတာကိုလည်း မပြောနဲ့။ အမေရိကန်နိုင်ငံကိုယ်နှိုက်က ဂလိုဘယ် ဘဏ္ဍာရေးစနစ်ထဲမှာ ချိတ် ဆက် မိအောင် လုပ်ဖို့ မကြိုးစားဘူး။ အမေရိကန်နိုင်ငံရဲ့ ပြည်တွင်းသုံး ဒေါ်လာဟာ ကမ္ဘာသုံး ငွေကြေး ဖြစ်နေတယ်။ ဒါကို အမေရိကန် တို့က သတိကြီးစွာထားဖို့ လိုတယ်။ ဘာကြောင့်လဲဆိုတော့ အမေရိကန်နိုင်ငံရဲ့ ပြည်တွင်း ငွေကြေးမူဝါဒဟာ ကမ္ဘာတစ် ဝန်းလုံးကို ပျံ့နှံ့ရိုက်ခတ်နိုင်တယ်။

ဒီလိုဆိုပေမယ့် အမေရိကန်ဗဟိုဘဏ်က သူတို့ရဲ့ ငွေ ကြေးမူဝါဒကို ကျင့်သုံးတဲ့အခါ သူတို့နိုင်ငံအတွက်ပဲ ရှေးရှုဆောင် ရွက်တတ်တယ်။ ဘယ်နိုင်ငံကိုမှ ထည့်သွင်းမစဉ်းစားဘူး။ ပမာအား ဖြင့် တစ်လောက အမေရိကန်ဗဟို ဘဏ်က ငွေစက္ကူတွေ အမြောက် အမြား ပုံနှိပ်ထုတ်ဝေပြီး ပြည်တွင်း မှာ အက်ဆက်တွေ တစ်လ ၈၅ ဘီလီယံဖိုးလောက် လပေါင်းများ စွာ ဝယ်ယူခဲ့တယ်။ ဒီငွေတွေဟာ အမေရိကန် ပြည်တွင်းကနေ ကမ္ဘာ့ နိုင်ငံများစွာသို့ ပျံ့နှံ့သွားခဲ့တယ်။

နောက်တော့ ဒီလိုဝယ် ယူနေတာကို ရပ်တန့်တော့မယ်ဆို ပြီး ရုတ်တရက် ကြေညာခဲ့တယ်။  အဲသလို ကြေညာလိုက်တော့ ကမ္ဘာတစ်လွှားမှာ ရင်းနှီးမြှုပ်နှံထားကြတဲ့ အမေရိကန်ဒေါ်လာတွေ ဌာနေပြန်ဖို့ ပြင်ဆင်လာကြတယ်။ ဒီတော့ နိုင်ငံအတော်များများ မှာ ပြဿနာတက်လာတယ်။ ဒီတော့ မှ အမေရိကန် ဗဟိုဘဏ်က သူတို့ ရဲ့ ကြေညာချက်ကို ပြန်လည်ပြင် ဆင်ပေးခဲ့တယ်။

ဒါဟာ အမေရိကန်နိုင်ငံက အခြားနိုင်ငံတွေနဲ့ ညှိနှိုင်း ဆောင်ရွက်ခြင်း မရှိလို့ ဖြစ်ပေါ် လာတဲ့ ပြဿနာတွေပါ။ တကယ် လို့ အမေရိကန်နိုင်ငံက အခုလို ဆက်လက်လုပ်ဆောင်နေမယ်ဆိုရင် အခြားနိုင်ငံတွေကလည်း ကိုယ့်နိုင်ငံ ကိုယ့်အကျိုးအတွက် ကာကွယ်မှုတွေနဲ့ တုံ့ပြန်လာနိုင်တယ်။ ဒီလိုသာ ဖြစ်လာခဲ့မယ်ဆို ရင် အမေရိကန်နိုင်ငံအတွက်ရော ကျန်နိုင်ငံများအတွက် ပါ ကောင်း လာစရာမရှိဘူး။ ဂလိုဘယ်ဘဏ္ဍာ ရေးစနစ် တစ်ခုလုံး ပြိုပျက်သွား နိုင်တယ်လို့ ရာဂူရမ်းရာဂျန်က ထောက်ပြခဲ့တယ်။

မင်းရွှေမောင်

Ref : "Warning Sign" by Michael Schuman ; TIME, Sept 8, 2014.

မင်းရွှေမောင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.