16-11-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1037
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူတို့ ဘ၀မှတ်တမ်း
ပြာသောကြယ်ကို ဂုဏ်ပြုခြင်း - ၂၅

ဝင်းတင် အယ်ဒီတာချုပ်လုပ်နေသော ဟံသာဝတီသတင်းစာ၏ စနေစာပေဝိုင်းသို့  သင်ရောက်ဖူးပါသလော။

        လူထုဦးလှ

        လူထုဒေါ်အမာ

        ဆရာတော် ဦးသောဘိတဒေါက်တာသန်းထွန်း

        စာတမ်းများ။

        စနေနေ့တွင် ဝင်းတင်ကိုယ်တိုင် ဖတ်သည်။

အထက်အညာဒေသ ရိုးရာဓလေ့များ၊ ရိုးရာကဗျာများ၊ ရိုးရာတေးများ၊ ရိုးရာပွဲတော်များ၊ စာတမ်းများ။

        မန္တလေးမြို့က ဓားတန်းဦးသန့်။

ဂီတအပြင် ဓာတ်ပုံလုပ်ငန်းကို အထူးစူးစိုက်လေ့လာ၏။ စီးပွားရေးအတွက် မဟုတ်ပါ။ ဝါသနာကို အပျော်တမ်းလုပ်သည်။ ထူးချွန်အောင်လုပ်သည်။ လူသိမခံ။ ဓားတန်း ဦးသန့်၏ စာတမ်း ဝင်းတင်က ကမ်းလှမ်းသည်။ ဝင်းတင်က ဖော်ထုတ်သည်။

ဟံသာဝတီ စနေစာပေဝိုင်း အထူးထင်ရှားလာ၏။

အစိုးရပိုင်းကတော့ စနေစာပေဝိုင်းကို အမြင်ကြည်လင်မှု မရှိတော့ပါ။

လွတ်လပ်စွာ ပြောဆိုခြင်းမှာ အမှန်တရားများ ပါဝင်လာမည်ကို အစိုးရဘက်က မလိုလားပါ။

၁၉၇၈ ။ သင်္ကြန်ကာလသို့ နီးကပ်လာ၏။

ဦးသိန်းဖေမြင့်နှင့် ပတ်သက်သော စာတမ်းများကို ဖတ်ကြားရန် ဝင်းတင်က စီစဉ်၏။

ထိုကာလမတိုင်မီက စာရေးဆရာ ဦးသိန်းဖေမြင့်သည် မန္တလေးသို့ ရောက်လာ၏။

''ဦးသိန်းဖေမြင့်၊ ခင်ဗျားဆောင်းပါးတွေကို သတင်းစာထဲမှာ မတွေ့ပါလားဗျ''

ဝင်းတင်က ပြောသည်။

''ကျုပ်ကို ပိတ်ထားတယ်ဗျ ကိုဝင်းတင်ရ''

''ဗိုလ်တထောင်သတင်းစာမှာ ခင်ဗျားဆောင်းပါးတွေ ထည့်ခွင့်မရဘူးပေါ့''

''ဟုတ်တာပေါ့''

ဒီလိုလုပ်ဗျာ ဦးသိန်းဖေမြင့်၊ ရန်ကုန်မှာ ပိတ်တာလည်း ပိတ်ပေါ့ဗျာ။ ခင်ဗျားဆောင်းပါးတွေကို ကျွန်တော့် သတင်းစာမှာထည့်မယ်။ ဟံသာဝတီမှာရေးဗျာ။ ခင်ဗျားစာမူတွေ မထည့်ရဘူးလို့ ကျွန်တော်တို့ဆီမှာ ညွှန်ကြားချက် မရှိပါဘူး။ ရေးဗျာ  ကျွန်တော်ထည့်မယ်''

        ''ဖြစ်ပါ့မလား ကိုဝင်းတင်ရ''

        ''ဖြစ်ပါတယ်၊ ကျွန်တော့်တာဝန်ထားပါ''

        ၁၉၇၈၊ ဇန်နဝါရီ ဖြစ်ပါသည်။

        သိန်းဖေမြင့်က ရေးသည်။

        ဝင်းတင်က  ဟံသာဝတီ သတင်းစာမှာ ထည့်သည်။

        အစိုးရပိုင်းက ဝင်းတင်ကို မကျေနပ်။

''ကိုဝင်းတင် သိန်းဖေမြင့် ဆောင်းပါးတွေ ဘာလို့ထည့်နေတာလဲ။ ဗိုလ်တထောင်မှာ ပိတ်ထားတယ် လေ''

        သက်ဆိုင်ရာက မေးသည်။

''ဟုတ်ကဲ့။ ကျွန်တော့် သတင်းစာမှာ သိန်းဖေမြင့် ဆောင်းပါးမထည့်ရလို့ ဘယ်သူကမှ ညွှန်ကြားမထားပါဘူး။ နောက်ပြီး သိန်းဖေမြင့်ဆိုတာ အလွန် နာမည်ကျော်ကြားတဲ့ စာရေးဆရာပါ။ သူက စာမူပို့မှတော့ ကျွန်တော်တို့က ထည့်ရမှာပေါ့။ သူ့စာမူကို ကျွန်တော် ငြင်းပယ်ပိုင်ခွင့် မရှိ  ပါဘူး''

''ကိုဝင်းတင် မန္တလေးမှာဆိုပြီး ထင်တိုင်းလုပ်လို့တော့ မရဘူးဗျ။ အစိုးရပေါ်လစီဆိုတာ ရန်ကုန်တစ် မြို့တည်းနဲ့တင် သက်ဆိုင်တာ မဟုတ်ဘူး''

''ဟုတ်ပါတယ်။ ကြေညာချက်တွေ၊ အမိန့်ကြော်ငြာစာတွေ၊ ညွှန်ကြားချက်တွေ ကျွန်တော်လိုက်နာပါ တယ်။ တရားဝင် ထုတ်ပြန်ဖို့သာ လို တာပါ''

''ဘာပဲဖြစ်ဖြစ်၊ သိန်းဖေမြင့်ရဲ့ ဆောင်းပါးတွေကို ခင်ဗျား ဆက်မထည့်ပါနဲ့''

ဝင်းတင်က တစ်ချိန်တွင် သိန်းဖေမြင့် ဆောင်းပါးများကို ပြန်ထည့်မည်။ အခု သုံးပုဒ်ပါထားပြီးပြီ။

၁၉၇၈ နှစ်ဦးမှာပင် စာရေး ဆရာ သိန်းဖေမြင့်သည် ကွယ်လွန်သွား၏။

၁၉၆၂၊ ဇူလိုင် ၇  ရက် အစိုးရက ကျောင်းသားများကို သတ်ဖြတ်မှုတွင် ဦးနေဝင်းဘက်က ရပ်တည်သော သိန်းဖေမြင့်။

ယခု ဦးနေဝင်း လက်ထက်မှာပင် နိုင်ငံပိုင် သတင်းစာတွင် သိန်းဖေမြင့်သည် စာရေးခွင့်မရတော့ပါ။

တရားကျဖွယ် ကောင်းသည်။

၁၉၇၈ နှစ်ဦးပိုင်းမှာပင် သိန်းဖေမြင့်သည် ကွယ်လွန်သွား၏။

''ဦးသိန်းဖေမြင့်တော့ ကွယ်လွန်သွားရှာပြီ။ သူဟာ စာရေးဆရာ၊ နိုင်ငံရေးသမား၊ သတင်းစာဆရာ၊ သူ့အကြောင်း စာတမ်းဖတ်ကြမယ်ဗျာ''

''အေးဗျာ ကောင်းတယ်''

ဝင်းတင်နှင့် သူ၏ မိတ်ဆွေများသည် တိုင်ပင်ဆွေးနွေးကြ၏။

''သိန်းဖေမြင့် သတင်းစာဆရာ ကျွန်တော်ဖတ်မယ်။ သိန်းဖေမြင့် စာရေးဆရာ စာတမ်းကို ချင်းတွင်းချစ်သွေးက ဖတ်ဖို့ ကျွန်တော်ပြောမယ်။ သိန်းဖေမြင့် နိုင်ငံရေးသမား စာတမ်းကို သခင်ကျော်စိန်က ဖတ်ပေးလိမ့်မယ်''

ဖတ်ပြီ။

သိန်းဖေမြင့် သတင်းစာဆရာ။

        သိန်းဖေမြင့် စာရေးဆရာ။

        သိန်းဖေမြင့် နိုင်ငံရေးသမား။

        ထိုမှာ ပြဿနာတက်တော့၏။

''ကိုဝင်းတင် ခင်ဗျား စနေစာပေဝိုင်းကို ပိတ်ထားလိုက်တော့။ ခင်ဗျားတို့ စနေစာပေဝိုင်းက သိန်းဖေမြင့်နိုင်ငံရေးသမား စာတမ်းထဲက အချက်အလက်တွေက မြန်မာ့ဆို ရှယ်လစ်လမ်းစဉ်ပါတီကို ထိခိုက် တာတွေပါတယ်''

အစိုးရဘက်က ဝင်းတင်ကို ငြူစူပြီ။

''ကိုဝင်းတင် ဟံသာဝတီသတင်းစာကို ခုချက်ချင်း ရပ်လိုက်ပါတော့''

အစိုးရက ဟံသာဝတီသတင်းစာကို ပိတ်လိုက်ပြီ။ ခုချက်ချင်း ရပ်လိုက်ပါ။

နိုင်ငံတော် ကောင်စီအမိန့်နှင့် ဟံသာဝတီ သတင်းစာကို ပိတ်လိုက်သည်။

        ၁၉၇၈၊ ဇွန်၊ ၃ဝ ။

        ဟံသာဝတီသတင်းစာ ပိတ်လိုက်ရပြီ။

''ခင်ဗျားတို့ ဇူလိုင် ၁ အထိ ဆက်ထွက်ခွင့်မရဘူး။ ဟံသာဝတီ သတင်းစာ နှုတ်ဆက်စကား ခေါင်းကြီးကိုလည်း ခင်ဗျားရေးခွင့်မရဘူး။ ဘယ်သူမှ မရေးရဘူး။ ကိုဝင်းတင် ခင်ဗျားက သတင်းစာလောကမှာ ဘာမှဆက်လုပ်ခွင့် မရတော့ဘူး။ ခင်ဗျား နုတ်ထွက်စာတင်ပါ''

''ကျွန်တော်က ဘာလို့ နုတ် ထွက်စာ တင်ရမှာလဲ''

''ဘာပဲဖြစ်ဖြစ် ခင်ဗျား အငြိမ်းစားယူရမယ်''

ဟံသာဝတီသတင်းစာ ဇာတ်သိမ်းပြီ။

''ကိုဝင်းတင် မန္တလေးမှာ ဆက်နေလို့ မဖြစ်ပါဘူး။ အခုချက်ချင်း ရန်ကုန်ပြန်ရမယ်။ တောင်ကြီး  အလည်သွားတာ၊ မေမြို့ခဏ တက်ဦးမယ်။ ပုဂံသွားဦးမယ်၊ အဲဒါ  ဘာဆို ဘာမှ လုပ်ခွင့်မပြုနိုင်ဘူး။ ခင်ဗျားအတွက် ရထားလက်မှတ်ကို ကျွန်တော်တို့က ဝယ်ပေးမယ်။ ပစ္စည်း သိမ်းထားပါ။ ခုချက်ချင်း ရန်ကုန်ကို ပြန်ရမယ်''

        လမ်းမတော် မြို့နယ်။

        လမ်းသစ်ရိပ်သာ။

        ၄ လွှာ။

        ဝင်းတင်၏ တိုက်ခန်းရှိသည်။

        ဝင်းတင်က သူ့တိုက်ခန်းမှာ အေးအေးဆေးဆေးနေပါသည်။

        ဥတ္တရအလင်းကို ရေးသည်။

        အခြားဘာသာပြန်စာအုပ်များ ကို ရေးသည်။

        ဝင်းတင်၏ အိမ်ရှေ့တွင် ထောက်လှမ်းရေးက အမြဲစောင့်နေ၏။

        ကွမ်းယာဆိုင်မှာ ထောက်လှမ်းရေး ရှိနေသည်။

ဝင်းတင်သည် မန္တလေးက ပြန်လာကတည်းက ရထားပေါ်မှာ ထောက်လှမ်းရေးက ပါလာ၏။ ရန်ကုန် လမ်းသစ်ရိပ်သာ ရောက်ပြန်တော့လည်း ထောက်လှမ်းရေးက စောင့်ကြပ်လျက်။

''အိမ်ရှေ့သာ လာခဲ့ကြပါ။ တိုက်ခန်းပေါ် မရောက်မှာမပူနဲ့။ ခင်ဗျားတို့ကို ကျွန်တော့် အခန်းရောက်အောင် ထောက်လှမ်းရေးက လိုက်ပို့ပေးမှာပေါ့''

ဝင်းတင်က ပြောသည်။

 

မောင်ကိုကို (အမရပူရ)

မောင်ကိုကို (အမရပူရ)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.