14-12-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1041
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူတို့ ဘ၀မှတ်တမ်း
ပြာသောကြယ်ကို ဂုဏ်ပြုခြင်း - ၁၅

စစ်တပ်အစိုးရသည် ၁၉၆၂၊ ဧပြီလကုန်တွင် ဆိုရှယ်လစ်စနစ်ကို  ဦးတည်မည်ဖြစ်၍ 'မြန်မာ့ဆိုရှယ် လစ်လမ်းစဉ်' ဟု ကြေညာလိုက် သည်။

ထိုအခါ ကွန်မြူနစ်နိုင်ငံများက မြန်မာနိုင်ငံကိုကြိုဆိုကြ၏။ သတင်းစာ ဆရာများကို ဖိတ်ကြားကြ၏။ အခြားသော ဌာနများ၊ အခြားသော ပညာရှင်များနှင့် လူငယ်များကိုလည်း ဖိတ်ကြား၏။

 ရုရှားက မြန်မာနိုင်ငံသတင်းစာ ဆရာအဖွဲ့ကိုဖိတ်သည်။ သတင်းစာဆရာ သုံးဦးသွားရန် သတင်းစာဆရာအသင်းက သတ်မှတ်လိုက်သည်။

       ဦးသိန်းဖေမြင့်၊ ဗိုလ်တစ်ထောင် သတင်းစာအယ်ဒီတာချုပ်။

       ဦးမောင်မောင်ခင်၊ လမ်းစဉ် သတင်းစာအယ်ဒီတာ။

       ထို့နောက် ကြေးမုံအယ်ဒီတာဝင်းတင်။

       ၁၉၆၂၊ ဇွန်လ။ ဝင်းတင်တို့သည် ရုရှားသို့ ရောက်ကြပြီ။

       ရုရှားသည် အင်အားကြီးနိုင်ငံတစ်နိုင်ငံအဖြစ် တက်ကြွထက်သန်နေသော ကာလ။

လက်ပတ်နာရီကို ပတ်လေ့မရှိသော ဝင်းတင်သည် ရုရှားသို့အသွားမှာ လက်ပတ်နာရီ အကြီးကြီးတစ်လုံးကိုမောင်ကို နာရီဆိုင်ကဝယ်ပြီး လက်မှာပတ်သွား၏။

       ကြက်ဥမျှကြီးသော လက်ပတ်နာရီ။

       ၃၅ ကျပ် ပေးရသည်။

       ဒုတ်ဒုတ် ဒုတ်ဒုတ်ဟု အသံမြည်နေ၏။

       ဝင်းတင်သည် ဘောင်းဘီနှင့် နိုင်ငံခြားဖြစ်ရှူးဖိနပ်အသစ်နှင့် လက်မှာ လက်ပတ်နာရီကြီးနှင့်။

       ''ခင်ဗျား ရှူးဖိနပ်ကြီးက ကောင်းလိုက်တာဗျာ။ ကျွန်တော့်ရှူးဖိနပ်နဲ့လဲစီးမယ်''

 ရုရှားစကားပြန်က နိုင်ငံခြားဖြစ် ပစ္စည်းမှန်သမျှကို ကြိုက်နေသည်။ ရုရှားမှာ နိုင်ငံခြားပစ္စည်းကမရှိ။ ရုရှားတွေက နိုင်ငံခြားဖြစ်ကို ဆာလောင်သည်။

''ခင်ဗျားဖိနပ်က ကျွန်တော့် ဖိနပ်ထက် ပိုကောင်းပါတယ်။ မလဲချင်ပါနဲ့ဗျာ။ ကျွန်တော်ကလည်း နောက်ဖိနပ် ပြောင်းစီးရင် ဖိနပ်ပေါက်မှာစိုးတယ်''

       ''အဲဒါဆို နာရီချင်းလဲမယ်''

       ''ဟာ-ခင်ဗျားနာရီက ရွှေနာရီ၊ ခင်ဗျားဟာက ပိုကောင်းတာပေါ့''

       ''ဘာပဲဖြစ်ဖြစ် ခင်ဗျားနာရီ အကြီးကြီးကို ကျွန်တော် မြင်မြင်ချင်းကြိုက်နေတာ။ လဲရအောင်ပါ''

       ရုရှစကားပြန်က ဇွတ်အတင်းပြောနေသည်။

       ဝင်းတင်သည် ကြက်ဥမျှကြီးသော နာရီကို သူ့အားချွတ်ပေးလိုက်သည်။

       ဟိုလူကလည်း သူ့နာရီကို ချွတ်ပေးသည်။

       အလဲအထပ် အောင်မြင်သွား၏။

       အစိုးရက ပြင်ပကမ္ဘာနှင့် မဆက်သွယ်ခြင်း၏အကျိုးဆက်မှာ လူများကို အမြင်ကျဉ်းမြောင်းစေ၏။

       ဝင်းတင်သည် ၁၈ ကာရက်ရှိသော ရွှေလက်ပတ်နာရီ တစ်ဝင်းဝင်းနှင့်။

       ''ခင်ဗျားတို့ စတာလင်ရဲ့ အလောင်းကို ထုတ်ပစ်လိုက်ကြတယ်။ သမိုင်းကို ဒီလို လွယ်လွယ်ထုတ်ပစ် လိုက်လို့ရသလား''

ခရူးရှက်တက်လာသောအခါ စတာလင်ရုပ်အလောင်းကို အပြင်သို့ ထုတ်ပစ်လိုက်ကြသော ရုရှားများကို ဝင်းတင်ကဝေဖန်၏။ သူတို့ကို လိုက်လံပြသသော ရုရှားများကမလှုပ်ကြ။

ရုရှားများသည် ဝင်းတင်တို့ကို မူဒမန်းမြို့သို့လည်း လိုက်ပို့ပေး၏။ မော်စကို၊ လီနင်ဂရက်တို့၏ မြောက် ဘက်စူးစူးတွင် မူဒမန်းမြို့သည်ရှိ၏။

       မူဒမန်းသည် နံနက် ၁ဝ နာရီကျော်မှ နေရောင်ကို ရရှိသော မြို့ဖြစ်၏။ ညနေ ၃ နာရီ ဆိုလျှင် မူဒမန်းမှ နေရောင်ကဆုတ်ခွာပြီ။

       မူဒမန်းသည် အာတိတ်စက်ဝိုင်းထဲက မြို့တစ်မြို့ဖြစ်၏။

ထိုမှတစ်ဆင့် တောင်ဘက်အဖျားက မြို့တစ်မြို့ဖြစ်သော အဇာဘိုင်ဂျန်သို့ ဝင်းတင်တို့ကို ပို့ပေး၏။ မွတ်စလင်များချည်း နေထိုင်ကြ သည်။

       ''အိုမာခရမ်ရဲ့ ဇာတိမြို့ကလေးက ဘယ်နားမှာလဲဗျာ''

       ရုရှားများက ဝင်းတင်ကို အံ့သြသွား၏။ ဝမ်းသာသွား၏။

       ''နေပါဦး။ ခင်ဗျား အိုမာခရမ်ရဲ့ ကဗျာကို ရွတ်တတ်သလား''

       ''ဟာ-ကျွန်တော်က အင်္ဂလိပ်လိုသင်ရတာ''

 ရုရှားများသည် ဝင်းတင်အားအိုမာဒခရမ်၏ ကဗျာများကို ရွတ်ဆိုပြ၏။ မြန်မာဘုန်းတော်ကြီးများ ပရိတ်ရွတ်ဆိုသော လေသံမျိုးနှင့် အိုမာခရမ်ကဗျာကို ရွတ်ဆိုပြ၏။

       ရုရှားတို့သည် သူတို့ တိုင်းပြည်၏ နိုင်ငံရေးကို မပြောတော့ဘဲ အိုမာခရမ်၏ ကဗျာမှာ မိန်းမူးသွားကြ၏။

       ဟန်ဂေရီ၊ ဘူဒါပက်တွင် International Journalist Organization အစည်းအဝေးကို ကျင်းပမည့် အစီအစဉ်ရှိသည်။

       ဝင်းတင်တို့ကို ''တက်မလား''ဟု ကမ်းလှမ်း၏။

       သတင်းစာ ဆရာများ အဖွဲ့ချုပ်က ကမ်းလှမ်းခြင်းဖြစ်သည်။

       ''ကိုဝင်းတင် ကောင်းတယ်။ ကျွန်တော်လည်း ဟန်ဂေရီကို လိုက်တက်မယ်''ဟု ဦးသိန်းဖေမြင့်က ပြော၏။

       အစည်းအဝေးရက်က နီးကပ် လာသည်။

''ကိုဝင်းတင်၊ ခင်ဗျားတို့က သတင်းစာ ဆရာတွေဆိုတော့ သတင်းစာဆရာများ အစည်းအဝေးကို ခင်ဗျားတို့ပဲ တက်တာကောင်းပါတယ်ဗျာ။ ကျွန်တော်က စာရေး ဆရာဆိုတော့ ဂျာမဏီကို သွားလိုက်မယ်ဗျာ။ ခင်ဗျားတို့နဲ့ မလိုက်တော့ဘူး''

       ဦးသိန်းဖေမြင့်က အစီအစဉ် ပြောင်းသွားသည်။

       ''ဟုတ်ပါပြီဗျာ။ ကျွန်တော်ကတော့ သွားမယ်လို့ ဆုံးဖြတ်ထားပြီးရင်သွားမှာပဲ''

       ဝင်းတင်က ပြောသည်။

       စာရေးဆရာ ဦးသိန်းဖေမြင့် မလိုက်သော်လည်း ဦးမောင်မောင်ခင် ရှိသေးသည်။

 ''ကိုမောင်ခင်ရေ၊ ဟန်ဂေရီ၊ ဘူဒါပက်မှာလုပ်မယ့် သတင်းစာဆရာများ အစည်းအဝေးကို ကျွန်တော်တော့ သွားတက်မယ်ဗျာ။ သူတို့က ဖိတ်ထားတယ်။ ကိုမောင်ခင် သဘောထားကကော ဘယ်လိုလဲ။ ဒါမျိုးက  ကြုံတုန်းမှာ သွားတက်ရမှာ။ ကျွန်တော်တို့က ကိုယ့်တိုင်းပြည် ပြန်ရောက်ရင် စစ်အစိုးရက ဖမ်းပြီး ထောင်ထဲကို ထည့်ချင်လည်း ထည့်ပလိုက်မှာ။ တစ်ခုတော့ ရှိတယ်။ ဒါက ခိုးသွားရမှာ။ ကျွန်တော်တို့ အစီ အစဉ်ထဲမှာ ဟန်ဂေရီမပါဘူးလေ''

       ဝင်းတင်ကပြောသည်။

       ''ဟာ-ကိုဝင်းတင်။ ခင်ဗျားသွားရင် ကျွန်တော်လည်း လိုက်မှာပေါ့''

       ''ဝင်းတင်နှင့် ဦးမောင်မောင်ခင်သည် လေယာဉ်နှင့် ဟန်ဂေရီသို့ ထွက်လာကြ၏။

       သူတို့သည် ဂျာနယ်လစ်ညီလာ ခံကြီးကို ခပ်တည်တည်တက်ကြ၏။

 သူနှင့် ဦးမောင်မောင်ခင်သည် တရားမဝင် သွားခြင်းဖြစ်သည်။ ဗီယက်နမ် သတင်းစာဆရာများ အုပ်စုတွင် ဝင်ထိုင်နေလိုက်ကြ၏။

       တစ်ခု ပူပန်ဖွယ်ရာ ပေါ်လာသည်။

       ''ဟေ့-မင်းတို့ ဗမာပြည်ကကိုယ်စားလှယ်လည်း ဒီဂျာနယ်လစ်ညီလာခံမှာ တက်လိမ့်မယ်''

       ဝင်းတင်သည် ခေါင်းကြီးသွား၏။

       ''ဟာ-ပြဿနာပဲ''

       ''မင်းတို့ ဒီဗီယက်နမ်သတင်းစာ ဆရာအဖွဲ့ထဲမှာပဲ ခပ်အေးအေး ထိုင်နေပါ။ ငါတို့ ကြည့်စီစဉ်မယ်''

       ''စစ်အစိုးရတက်ပြီဆိုတော့ စစ်ဗိုလ်ထဲကများ ဖြစ်မလား မသိဘူး''

       ''တက်မယ်၊ လူနာမည်ကို အခု ငါမသိသေးဘူး''

       ဝင်းတင်က စဉ်းစားသည်။           မည်သူ ဖြစ်မည်နည်း။

       ဟိုတယ်သို့ ခပ်မြန်မြန်သွား  သည်။

       မြန်မာနိုင်ငံက လာ၍တက်မည့် သူ၏အမည်စာရင်းကို မေးကြည့်၏။

       ''ဦးညိုမြ''

       ဝင်းတင်သည် စိတ်အေးသွား၏။

       ''ဟာ-ဦးညိုမြက ကျုပ်တို့ ရဲဘော်ကြီးပါ။ ကိစ္စမရှိဘူး''

       ဝင်းတင်သည် ဦးညိုမြနှင့် ဟန်ဂေရီ၊ ဘူဒါပက်မှာဆုံ၏။ ထုံးစံအတိုင်း ဦးညိုမြက အေးအေးဆေးဆေးပင်။ စကားကို လေးလုံးကွဲအောင်မပြော။ စကားတစ်လုံးနှင့် တစ်လုံးကြားမှာ  ကွမ်းတစ်ရာညက်မျှကြာ၏။

       ဝင်းတင်သည် ဦးညိုမြနှင့်တွေတော့ ပိုမိုလန်းဆန်းတက်ကြွလာ၏။

       ''ဦးညိုမြ၊ ကျွန်တော်တို့နဲ့အတူ လိုက်ခဲ့ဗျာ။ ဟန်ဂေရီကနေချက်၊ အရှေ့ဂျာမဏီ၊ ပိုလန်၊ ပြီးတော့မှ ရုရှားကို ပြန်မယ်။ ပြီးမှ မြန်မာပြည်ကို အတူတူပြန်ကြရအောင်''

       ''အေး-ကောင်းသားပဲ''

       ဦးညိုမြသည် အေးတိအေးစက်ဖြေ၏။

       ရုရှားမှာ ရုရှားသံအမတ်ကြီး ဦးဖေခင်က ထမင်းဖိတ်ကျွေး၏။ ဦးသိန်းဖေမြင့်၊ ဦးမောင်မောင်ခင်၊ ဝင်းတင်။

       ''တက္ကသိုလ်သမဂ္ဂကို မိုင်းခွဲလိုက်ပြီတဲ့ဗျ''

       ဦးဖေခင်က ပြော၏။

       ဦးဖေခင်အိမ်က ညစာစားပွဲမှာ ကြားရခြင်း။

       ဝင်းတင်သည် ငြိမ်သွား၏။

       ''ကျွန်တော် စိတ်မကောင်းဘူးဗျာ။ ကျွန်တော်ကိုယ်တိုင်လည်း စစ် ကြိုခေတ်တုန်းက ကျောင်းသားသမဂ္ဂထဲမှာ ဝင်လုပ်ဖူးတယ်''

       ဦးဖေခင်က ပြော၏။

       ''သမဂ္ဂ အဆောက်အအုံထဲမှာ ကျောင်းသားကွန်မြူနစ်တွေရှိတယ်ဗျ။ အပြင်ကနေ ကျောင်းသားထုထဲ စိမ့်ဝင်နေတဲ့ ကွန်မြူနစ်တွေလည်း ရှိတယ်။ ဒီလူတွေက တော်လှန်ရေး အစိုးရကို ဆန့်ကျင်နေကြတာ။ ဒီလိုကြောင့် မိုင်းခွဲတာ ဖြစ်မှာပေါ့''

       စာရေးဆရာ ဦးသိန်းဖေမြင့်က ပြော၏။

       ''ဟာ-မဟုတ်သေးဘူး ဦးသိန်းဖေမြင့် ဒီလို သမိုင်းဝင်အဆောက်အအုံကို ဘာလို့ မိုင်းခွဲရမှာလဲ။ ဒါ အဓိပ္ပာယ်မရှိဘူး''

       သံအမတ်ကြီး ဦးဖေခင်က စစ်အစိုးရ၏လုပ်ရပ်နှင့် ဦးသိန်းဖေမြင့်၏ သဘောထားကို ဆန့်ကျင်လိုက်၏။

       ''ဒီလို သမဂ္ဂကို မိုင်းခွဲတာကို ကျွန်တော် သဘောမတူဘူး''

       ဝင်းတင်က သူ့သဘောထားကို ပြောလိုက်၏။

မောင်ကိုကို (အမရပူရ)

မောင်ကိုကို (အမရပူရ)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.