7-12-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1040
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူတို့ ဘ၀မှတ်တမ်း
ပြာသောကြယ်ကို ဂုဏ်ပြုခြင်း - ၁၃

        ကြေးမုံသတင်းစာ ရပ်သွားသည်။

        ဝင်းတင် ဘာလုပ်ရမှန်းမသိ။

        ကြေးမုံဦးသောင်းကတော့ ကြေးမုံသတင်းစာနှင့် မိသားစုရပ်တည်ရသူဖြစ်၏။

        ကြေးမုံအတွက် နယ်မှရစရာ ငွေတွေကိုလည်း အကုန်အစင်မရသေး။

        ဝင်းတင်က ကြေးမုံသတင်းစာ တိုက်၏ အောက်ထပ်မှာနေသည်။

        ကြေးမုံအပေါ်ထပ်တွင် ကြေးမုံဦးသောင်း၊ သူ့ဇနီးမြမြစိန်၊ ကလေးသုံးယောက်နှင့်အတူ နေထိုင်ကြသည်။

ဝင်းတင်က ကြေးမုံရပ်သွားသည့်အတွက် ကြေးမုံဦးသောင်း (အောင်ဗလ)နှင့် သူ၏မိသားစုအ တွက်လည်း စိုးရိမ်ပူပန်နေမိသည်။

 ကြေးမုံဦးသောင်း၏ ကိစ္စအတွက် ဝင်းတင်သည် တရားရေးဝန်ကြီးဖြစ်ခဲ့ဖူးသော ဒေါက်တာ အေး မောင်ထံသုိ့ သွားသွားနေရ၏။

        ဒေါက်တာအေးမောင်ကလည်း ဝင်းတင်နှင့် တွေ့ဖန်များသော် ကရုဏာသက်မိ၏။

        ''မင်း ပညာအရည်အချင်းက ဘယ်လိုရှိလဲ''

        ''ကျွန်တော် ဘွဲ့ရပြီးပါပြီ။ ဥပဒေလည်း တက်လက်စရှိပါတယ်''

''သတင်းစာ အလုပ်ဆိုတာက လွယ်တဲ့ကိစ္စမဟုတ်ဘူးကွ။ နိုင်ငံရေးသမားတွေက နှိပ်စက်လည်းခံရတယ်။  အစိုးရက နှိပ်စက်လည်းခံရတယ်။ မင်း Law ကို ပြီးအောင်တက်ကွာ။ ရှေ့နေအလုပ်လုပ်။ ရှေ့နေကကောင်းတယ်။ ကိုယ့်ပညာနဲ့ကိုယ် အသက်မွေးလို့ရတယ်။ မင်းတို့ သတင်းစာက မသေချာဘူးကွ''

        ဝင်းတင်သည် ဥပဒေ ဆက်တက်ရန်ပြင်ဆင်၏။

စာရေးဆရာ ထင်လင်းကလည်း ဝင်းတင်ကိုအားပေးသည်။ သင်တန်းစရိတ် ငွေကြေးကို စာရေးဆရာထင်လင်းက သွင်းပေး၏။

        ဝင်းတင်သည် ဥပဒေဆိုင်ရာ စာများကိုကျက်နေ၏။

        ''ဒေါက်တာအေးမောင် ပြောသလို ဥပဒေဘွဲ့ရပြီး ရှေ့နေလေးဘာလေး လုပ်ဦးမှပဲ''ဟု ဝင်းတင်က တွေး မိသည်။

တစ်ညနေတွင် ဝင်းတင်သည် ကြေးမုံတိုက်ရှေ့က ရေကန်ကြီးတွင်ရေချိုးရင်း ဥပဒေ ဘာသာရပ်ထဲက ပုဒ်မများအကြောင်းကို တွေးနေ၏။

        ကြေးမုံဦးသောင်းသည် သူ့သားလေး ဖိုးထင်ကိုချီလျက် စကားပြောနေသည်။

        ထိုအချိန်တွင် ဆရာကြီးဦးညိုမြသည် ဂျစ်ကားနှင့်ကြေးမုံရှေ့သို့ ရောက်ချလာ၏။

        ဦးညိုမြသည် ဘာမှနိဒါန်းပျိုးမနေ။

        ''ကိုဝင်းတင်ခင်ဗျား၊ ကျွန်တော့် သတင်းစာတိုက်ကိုကြည့်ပေးပါဦး''

        ''ဟာ-မဖြစ်ဘူး။ ဆရာ ဦးညိုမြ။ ကျွန်တော် Law ဖြေမလို့''

        ''မဟုတ်ဘူး ကိုဝင်းတင်၊ ကျွန်တော်က မန္တလေးကိုသွားမလို့''

        ''မန္တလေးကို ဘယ်တော့သွားမှာလဲ။ ကျွန်တော် သတင်းစာမလုပ်ချင်တော့ပါဘူး ဆရာဦးညိုမြရယ်''

 ''ကျွန်တော်က မန္တလေးကို အခုသွားမှာ။ ဒီဂျစ်ကားက ကျွန်တော့်ကို ဘူတာရုံလိုက်ပို့တာ။ ကျွန်တော့် သတင်းစာတိုက်ကို ကိုဝင်းတင် အခုသွားလိုက်ပါ။ ကျွန်တော် ကိုဝင်းတင်ကိုယုံတယ်''

        ''ဆရာ ဦးညိုမြကတော့ လုပ်ပြီဗျာ။ လုပ်လိုက်ရင် ဒါမျိုးချည်းပဲ''

        ဝင်းတင်သည် အိုးဝေကို လက်ခံလိုက်ရ၏။

        ထိုအချိန်က အိုးဝေသတင်းစာသည် မသေမရှင် အနေအထားမှာ။

        ကြေးမုံချိတ်ပိတ်ခံရပြီး ဥပဒေဖြေရန်ပြင်ဆင်နေဆဲမှာ ဝင်းတင်သည် သတင်းစာ လောကထဲသို့ ပြန်ရောက်သွား၏။

        ဦးညိုမြသည် မန္တလေးမှာ ရက်အနည်းငယ်နေပြီး ပြန်ရောက်လာ၏။

        ''ကိုဝင်းတင်ရေ ကျွန်တော်တော့ ကျွန်တော့်သတင်းစာကို ဦးနုဘက်ကနေ ရပ်တည်ပေးမယ်။ သန့်ရှင်း သတင်းစာ လုပ်မယ်''

        ''ဒါဆို စစ်တပ်ကအားပေးနေတဲ့ ဦးကျော်ငြိမ်းတို့၊ ဦးဘဆွေတို့ရဲ့ ဖဆပလကိုဆန့်ကျင်မှာပေါ့''

        သတင်းစာမှာ ငွေကြေးထည့်ဝင်သူတို့ရှိလာသည်။ ငွေထည့်ရသည်ဆိုပြီး မန်နေဂျာ ဝင်လုပ်၏။

        ဦးညိုမြက သတင်းစာတိုက်မှာ အမြဲမရှိ။ တစ်ပတ်၊ ဆယ်ရက်ထွက်ချင် ထွက်သွားတတ်၏။

        ဝင်းတင်သည် စိတ်ညစ်လာ၏။

  ဦးညိုမြသည် ငွေရွှင်နေ၏။ စာမူခတွေဘာတွေ ဖောဖောသီသီပေး၏။ ဝင်းတင်ကိုလည်း လစာပေး သည်။ ဝင်းတင်က လက်မခံ။

        ''ဦးညိုမြ ကျွန်တော် မလုပ်ချင်တော့ဘူးဗျာ။ ကျွန်တော် Law ဖြေမယ်။ ကျွန်တော့်ဇာတိကို ကျွန်တော် ပြန်မယ်''

        ''မလုပ်ပါနဲ့ ကိုဝင်းတင်။ ကျွန်တော်က ခင်ဗျားရှိတယ်ဆိုပြီး ဒီငွေတွေကို ရှာလိုက်တာ။ အိုးဝေ သတင်း စာတစ်စောင်လုံး ကျွန်တော်က ခင်ဗျားလက်ထဲ ထိုးအပ်ထားတာ။ ဒီအခွင့်အရေးကို ခင်ဗျား အသုံးချစမ်းပါ''

        ဝင်းတင် စဉ်းစားကြည့်၏။

        ဟုတ်သည်။

သတင်းစာ တစ်စောင်လုံးကို ကိုယ့်လက်ကိုယ့်ခြေ အပြည့်နှင့် လုပ်ခွင့်ရနေ၏။ နောက်ခံ ငွေကြေးကလည်းရှိနေသည်။ ဝင်းတင်ကိုယ်တိုင်ကလည်း သတင်းစာကို လုပ်ချင်နေခဲ့သူ မဟုတ်လား။ ဥပဒေ ဘွဲ့ရလျှင် ရှေ့နေဖြစ်မည်။ ရှေ့နေလောကထဲသို့ ရောက်သွားမည်။ ငါရှေ့နေ ဖြစ်ချင်တာလား။ သတင်းစာသမားဖြစ်ချင်တာလား။ သတင်းစာလုပ်ချင်တာ။

        ဟုတ်တယ်။

        သတင်းစာ တစ်စောင်လုံးကို ငါ့စိတ်ကြိုက် ခုလုပ်ခွင့်ရနေတယ်။

        ရှေ့နေ မလုပ်ဘူးကွာ။

        အိုးဝေသတင်းစာကိုပဲ ငါဆက်လုပ်မယ်။

        ဝင်းတင်သည် အိုးဝေသတင်းစာကို စိတ်ပါလက်ပါလုပ်၏။

        အချိန်ပြည့် လုပ်၏။

အိုးဝေ၏ ငွေကြေးကိစ္စ၊ ဖြန့်ချိရေးကိစ္စ၊ အုပ်ချုပ်ရေးကိစ္စ၊ အထွေထွေကိစ္စအဝဝကို သခင်အောင်ဖေကလုပ်၏။ ဦးညိုမြက ခန့်အပ်ထားခြင်းဖြစ်သည်။ ဝင်းတင်နှင့် သခင် အောင်ဖေသည့် အပြန်အလှန် ချစ်ခင်၏။ လေးစား၏။ မြောင်းမြသား သခင်အောင်ဖေသည် ဝင်းတင်၏ သတင်းစာကိုင်တွယ်ပုံကို အလွန်သဘောကျ၏။

        ''ကိုအောင်ဖေလည်း စာရေးဗျာ''

        ''ရေးမယ် ကိုဝင်းတင်။ ခင်ဗျားကိုင်တဲ့ သတင်းစာထဲမှာ ကျွန်တော် စာရေးချင်မိတာ အမှန်ပဲ''

        သခင်အောင်ဖေသည် အိုးဝေတွင် အိုးဝေမောင် အမည်ဖြင့် ရေး၏။     

        ဝင်းတင်သည် အိုးဝေကို ပြည်သူ့အိုးဝေဟု နာမည်ပြောင်းလိုက်၏။ စာလုံးလိုဂိုကို အကြီးကြီး လုပ်ပစ် လိုက်၏။

        ''လူတစ်ယောက် အိုးဝေသတင်းစာကို ကိုင်ဖတ်နေတယ်ဗျာ။ ပြည်သူ့အိုးဝေဆိုတဲ့ စာလုံးကြီးဟာ ထင်းနေတာပဲ။ ဘာပြုလို့ အိုးဝေကိုကိုင်ဖတ်နေတာလဲ။ သူဟာ ဦးနုကို ထောက်ခံသူ၊ ဗိုလ်နေဝင်းရဲ့ စစ်အစိုးရကို ဆန့်ကျင်တဲ့သူ၊ အဲ့ဒီအဓိပ္ပာယ်ဗျ''

        ဝင်းတင်က ပြောသည်။

 ပြည်သူ့အိုးဝေတွင် စာလုံးများကို ပြူးပြဲနေအောင်တင်သည်။ ဆောင်းပါး၊ သရော်စာ၊ ဝေဖန်ရေး၊ Title က ထင်းနေ၏။ ကြွနေ၏။

        စာရေးဆရာများသည် ပြည်သူ့အိုးဝေမှာပင် ရေးကြ၏။

        မြမျိုးလွင်၊ ဒဂုန်တာရာတို့သည် ပြည်သူ့အိုးဝေတွင် ကျေနပ်စွာရေးကြ၏။

''ကျွန်တော်လည်းရေးတယ်။ ဝင်းတင်နာမည် မဟုတ်ဘူး။ ဆော်တယ်။ ပစ်စလက်ခတ်ဆော်တာ။ ထိုးနှက်တာ၊ တည်မြဲတွေကိုဆော်တာ''

        ဝင်းတင်ကပြောသည်။

''ဦးဗဆွေကို ကျွန်တော်ရေးတယ်။ လူပျင်းကြီးလို့။ ဦးကျော်ငြိမ်းကို ပြုပြင်မရသူလို့ ခေါင်းစဉ်တပ်လိုက်တယ်။ ဗိုလ်စကြာကို ဇီးကွက်လူလည်လို့ရေးတယ်။ အချက်အလက်တော့ ရအောင်ရှာတယ်။ အမှန်တွေဗျ။ ဒါပေမယ့် ထိုးနှက်တာ။ Attack လုပ်တာ၊ ပက်ပက်စက်စက်ဆော် တာ''

        ဝင်းတင်က ပြောသည်။

        ပြည်သူ့အိုးဝေ။ နိုင်ငံရေးသတင်းစာ သက်သက်။ စစ်အစိုးရကို ဆန့်ကျင်ကြောင်းဖော်ပြချက်။

        နိုင်ငံရေးအရ အထွတ်အထိပ်။

        လူတိုင်း လက်ထဲမှာ အိုးဝေကို ကိုင်ထားကြသည်။

        အိုးဝေမှ အိုးဝေ။

        အိုးဝေ ပေါက်ပြီ။

ဦးညိုမြသည် ဦးကျော်ငြိမ်းနှင့် အလွန်ခင်၏။ တက္ကသိုလ်မှာလည်း တွဲခဲ့ကြ၏။ ဦးညိုမြသည် ဦးကျော် ငြိမ်းအိမ်သို့ အလည်သွားတတ်၏။ တည်မြဲ၏ ကြေညာချက်များ ပါလာတတ်၏။

        ဦးညိုမြသည် ဝင်းတင်ကိုပေးသည်။

        ''ကိုဝင်းတင် ဒါလေး ထည့်လိုက်ဗျာ''

''ဦးညိုမြ၊ ကျွန်တော် မထည့်နိုင်ဘူး။ ကျွန်တော် အပြင်ထွက်တုန်း ခင်ဗျား ထည့်ထားတာ တောင်မှ ကျွန်တော်က ပယ်ပြီး စက္ကူအသစ်နဲ့ ထပ်ရိုက်တာ ဦးညိုမြအသိပဲ''

        ''ကိုဝင်းတင်ရေ၊ သတင်းစာဆိုတာ နှစ်ဖက်လုပ်ရတဲ့ သဘောဗျ''

''ဒီမိုကရေစီဆန်လို့ မဖြစ်ဘူးဗျ။ သန့်ရှင်းဘက်က ပြတ်ပြတ်သားသားရပ်ရမယ်။ တည်မြဲဆို တာ ဘီလူးသဘက်ကောင်၊ အကျင့်ပျက်တဲ့ကောင်လို့ မြင်အောင်ဖော်ပြရမှာဗျ။ ရန်သူလို ထိုးနှက်ရမယ့်အချိန်ပါ ဦးညိုမြ''

        ဝင်းတင်သည် ဦးညိုမြကို အ လျှော့မပေးခဲ့။ တည်မြဲကို ဆန့်ကျင်သည်။

မောင်ကိုကို (အမရပူရ)

မောင်ကိုကို (အမရပူရ)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.