7-12-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1040
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူတို့ ဘ၀မှတ်တမ်း
ပြာသောကြယ်ကို ဂုဏ်ပြုခြင်း - ၁၂

 ကြေးမုံသတင်းစာသည် ၁၉၅၇၊ ဧပြီ ၁၇ မှာ ထွက်ရှိလာ၏။

ဝင်းတင်သည် ဧပြီလကုန်တွင်  မြန်မာနိုင်ငံသို့ ပြန်ရောက်လာ၏။

ဝင်းတင်သည် စာပေဗိမာန်က ဦးထင်ကြီးထံသို့ သွား၏။

 ''ဆရာ ကျွန်တော် စာပေဗိမာန်က ထွက်တော့မယ်။ သတင်းစာလုပ်ငန်း လုပ်ချင်လို့ပါ ဆရာ''

''ဆရာကတော့ မောင်ဝင်းတင်ကိုမထွက်စေချင်ဘူး။ ယူနက်စကိုရဲ့ အကူအညီတွေနဲ့ စာပေဗိမာန်ကနေ စာအုပ်တွေအများကြီး ထွက်လာဦးမှာ မောင်ဝင်းတင်ရဲ့''

''ဟုတ်ပါတယ်ဆရာ။ ကျွန်တော့်ကို ဆရာသင်ကြားပေးခဲ့တာတွေ အများကြီးပါ။ ဆရာနဲ့ နှစ်တွေအများကြီး အတူတူလုပ်ခဲ့ကြတာကို ကျွန်တော်အမြဲသတိရနေမှာပါ ဆရာ။ အခုဟာက ကြေးမုံသတင်းစာမှာ ကျွန်တော် အလုပ်လုပ်ချင်လို့ပါ။ သတင်းစာဘက်ကို စိတ်သန်နေလို့ပါ ဆရာ''

''အေးကွယ်။ မောင်ဝင်းတင်ရယ်။ နှစ်ခုတွဲလုပ်လည်း ဖြစ်ပါတယ်။ စာပေဗိမာန်မှာ မနက်ပိုင်းလုပ်၊ ကြေးမုံမှာ ညပိုင်းလုပ်ပေါ့ကွယ်''

ဝင်းတင်သည် စာပေဗိမာန်မှာရာထူးကြီး၏။ တာဝန်ကြီး၏။ ကြေးမုံတွင် အစကနေစရမည်။ ဘဝအနေနှင့်မရေရာ။ မသေချာပါ။ သို့သော် သတင်းစာသမားဘဝကို သူခံယူချင်၏။ စာပေဗိမာန်ဆရာများက တားထားသဖြင့် စာပေဗိမာန်တွင်လည်း ဆက်လုပ်နေ၏။ ညပိုင်းမှာမူ ကြေးမုံ တွင် အလုပ်ဝင်နေပြီ။

 ကြေးမုံ သတင်းစာတိုက်သည် တာမွေ မီးသတ်နှင့် မျက်နှာချင်းဆိုင်။

 ကြေးမုံသတင်းစာကို စက် ကလေးများနှင့် ဂျိမ်းဂျိုင်းဂျိမ်းဂျိုင်းရိုက်ရ၏။ စာဖောင်တစ်ဖောင်ပြီး တစ်ဖောင်ကျအောင် ရိုက်ရသည်။ ညဥ့်နက်သန်းခေါင်အထိရိုက်သည်။

 ကြေးမုံသည် စောင်ရေပိုတက်လာ၏။ ကြေးမုံသတင်းစာ၏ အာဘော်နှင့် ပရိသတ်သည် ထိထိမိမိတွေ့ကြပြီ။ စောင်ရေသည် ပို၍ပို၍တက်လာ၏။ ဝင်းတင်သည် ကြေးမုံတွင် ဖိဖိစီးစီးလုပ်သည်။ တာဝန်ပိုကြီးလာ၏။ ၁၉၅၇  နှစ်ကုန်ပိုင်းတွင် ဝင်းတင်သည် စာပေဗိမာန်မှာ မလုပ်တော့။ ကြေးမုံတစ်ခုတည်းမှာသာ လုပ်တော့သည်။

 ကြေးမုံသတင်းစာတွင် ဦးဆောင်လုပ်နေသူမှာ ကြေးမုံဦးသောင်းခေါ် စာရေးဆရာအောင် ဗလဖြစ်သည်။ အယ်ဒီတာဌာနတွင် စိန်ခင်မောင်ရီရှိသည်။ ဆရာဇဝန ရှိသည်။

 ''ကြေးမုံမှာ စာရေးဆရာတော်တော်များများကဝင်ရေးကြတယ်။ ဒဂုန်တာရာလည်း ဝင်ရေး တယ်။ ဒဂုန်တာရာ ရေးတာက တော်တော် ထူးခြားတယ်။ စာဖတ်သူကလည်း ကြိုက်တယ်''

ဝင်းတင်ကပြောသည်။

''တိုင်းပြည်က မငြိမ်သက်တဲ့အချိန်။ လက်နက်ကိုင် တိုက်ပွဲတွေ ကလည်း အများကြီး။ အဲဒီအချိန်မှာ ကျွန်တော်ကတိုင်းပြည်ကြီး ငြိမ်းချမ်းရေးရရင် ဘယ်လိုဖြစ်မလဲလို့ ကြေးမုံမှာ ရေးလိုက်တယ်။ ဦးနုရဲ့ပြည်တော်သာစီမံကိန်း အင်္ဂလိပ်လို စာအုပ်အထူကြီးကို အခြေခံပြီးရေးတာ။ ကျွန်တော်တို့ တိုင်းပြည်မှာ ငြိမ်းချမ်းရေးရရင် ဘယ်လို ဖြစ်မလဲ။ လူတွေက ကြိုက်ကြတယ်''

        ဝင်းတင်က ပြောသည်။

        ဝင်းတင်သည် ရှင်းလင်းသော စကားပြေဖြင့် တိုတိုတုတ်တုတ်ရေးလေ့ရှိ၏။

        ''ဒဂုန်တာရာကို ကျွန်တော်ကကြိုက်တယ်။ သူ့စာမူကို ကျွန်တော်ထည့်တယ်။ စာဖတ်သူက လည်း ကြိုက်တယ်။

        စိန်ခင်မောင်ရီလို ပုဂ္ဂိုလ်မျိုးတွေကတော့ ဒဂုန်တာရာကို သိပ်မ လိုလားဘူး''

        ဝင်းတင်က ပြောသည်။

''ဒါကလည်း သူတို့ စာရေးဆရာအသင်းမှာ တစ်ဖွဲ့နဲ့တစ်ဖွဲ့ သဘောထားမတူတာ၊ ရပ်တည်ချက် ကွဲလွဲတာတွေရှိတယ်။ ဒီပုဂ္ဂိုလ်က ဒို့နဲ့အယူအဆမတူဘူး။ ဒီလူဆိုမထည့်ဘူး။ မထည့်ချင်ဘူးဆိုတဲ့ သဘောထားတွေ ရှိမှာပေါ့လေ''

        ဝင်းတင်က ပြောသည်။

 ''၁၉၅၇ အကုန်ပေါ့။ ကျွန်တော်တို့ မြန်မာနိုင်ငံမှာ စစ်တပ်ကအာဏာသိမ်းမှာလားဆိုပြီး ကျွန်တော် တထိတ်ထိတ်ဖြစ်နေချိန်မှာ ဒဂုန်တာရာက 'နာဆာအိပ်မပျော်သော ည' ဆိုပြီး ကြေးမုံမှာ ရေးတယ်။ ကျွန် တော် သိပ်ကြိုက်တာပဲ''

        ဝင်းတင်ကပြော၏။

        ကြေးမုံတွင် ကာတွန်းဖေသိန်း ၏ ကလိချက်များကို လူများက ကြိုက်ကြ၏။

        ကာတွန်းဖေသိန်း

        ကြေးမုံ နီတိ။

        နာမည်ကြီးနေသည်။

 

        ကာတွန်းအောင်ရှိန်

        ကြေးမုံခင်။

        နာမည်ကြီးပါသည်။

 

        ကာတွန်းဆရာ ဦးဘထွေး

        ကာတွန်းဘထွေး

        လူကြိုက်များသည်။

        ထို့နောက် ကြေးမုံတွင် လူငယ်ကာတွန်းဆရာများကလည်း ဝင်ရေး ကြသည်။

        ကြေးမုံသည် ထူးခြားသော သတင်းစာတစ်စောင်။

        မိတ္ထီလာမှာ တပ်ရင်းမှူးများ ညီလာခံလုပ်သည်။ ဦးနုကသိ၏။

        ''ဦးနုကနေပြီးတော့

        ဗိုလ်နေဝင်း

        တိုင်းပြည်ကို ခင်ဗျားတို့ဝင်ပြီးတော့ကူပါ။ ဘာညာပေါ့ဗျာဆိုပြီး စာရေးတယ်။

        ဦးနုက ရေးတာ။

ဟံသာဝတီအဝိုင်းနဲ့ မျက်နှာချင်းဆိုင်မှာ ဦးနုရဲ့အိမ်ရှိ်တယ်။ ဦးနုရဲ့အိမ်ရှေ့မှာ ကျွန်တော်တို့  စောင့်ကြည့်တယ်။ မီးခိုးရောင်ဖီးယက်ကားတစ်စီးဝင်သွားတယ်။ ဗိုလ်ချုပ်အောင်ကြီးပါတယ်။ ဗိုလ်ချုပ်နေဝင်းရဲ့ ပြန်စာကို ဦးနုဆီလာပို့တာပဲပေါ့''

        ဝင်းတင်ကပြောသည်။

        ''နောက်ပြီး ထူးဆန်းတယ်ဗျာ။

စာရေးဆရာ ရန်ကုန်ဘဆွေက ကျွန်တော့်ကိုခေါ်တယ်။ ဆိုရှယ်လစ်ပါတီရဲ့ အလုပ်သမား အစည်းအရုံးဖွင့်ထားတဲ့ တိုက်အိုတိုက်ဟောင်းကြီးမှာ ရန်ကုန်ဘဆွေခေါ်တွေ့တယ်။ ကိုဝင်းတင်တဲ့၊ ကနေ့ သတင်းထူးလိမ့်မယ်။ တစ်ခုတော့ရှိတယ်။ အဲဒါကို ခင်ဗျားတို့ ထိန်းထိန်းသိမ်းသိမ်းရေးရင် ကောင်းမယ်ထင်တယ်တဲ့။ အံ့သြတယ်။ စာရေးဆရာ၊ ပန်းချီဆရာက တိုင်းပြည်အရေးကို ကြိုသိနေတယ်''

        အမှန်ပင် စစ်တပ်က အာဏာသိမ်းသည်။

''အေးဗျာ၊ ကြေးမုံကစစ်တပ်နဲ့ပတ်သက်ပြီး သတင်းလေးတစ်ပုဒ် ရေးမိပါတယ်။ စစ်တပ်က လူအချို့ ဟာ ဂျစ်ကားလေးနဲ့ တာမွေမီးသတ်ရှေ့က ကြေးမုံသတင်းစာတိုက်ကို ရောက်လာတယ်။

အရပ်ဝတ်နဲ့ဗျာ။ လူသုံးလေးယောက်တက်လာတာ။ ခင်ဗျားတို့သတင်းစာကို ကျုပ်တို့ ချိတ်ပိတ်လိုက် ပြီတဲ့။ ပိတ်ချသွားတယ်ဗျား။ ၁၉၅၈ စက်တင်ဘာ ဖြစ်မယ်ထင်တယ်ဗျ။

ဒီမိုကရေစီအင်အားစုနဲ့ စစ်အာဏာရှင်အင်အားစု ရင်ဆိုင်တွေ့တဲ့အခါမှာ အဲဒါကျွန်တော်တို့ စခံရတာပဲဗျာ''

        ဝင်းတင်က ပြောသည်။

        ကြေးမုံမှာ အယ်ဒီတာချုပ်ဟူ၍ အမည်မခံပဲ အလုပ်တကယ်လုပ်နေ ကြသူများ။

        အောင်ဗလ (ကြေးမုံဦးသောင်း)

        ဇဝန 

        စိန်ခင်မောင်ရီ

        ဝင်းတင်

        ချိတ်ပိတ်သွားပြီ။ စစ်တပ်က။

        စစ်တပ်က ချိတ်ပိတ်သွားတော့ ဘာများတတ်နိုင်ပါမည်နည်း။

        ဇဝနသည်လည်း ကြေးမုံမှာ ရေး၍မရတော့။

        စိန်ခင်မောင်ရီသည်လည်း ကြေးမုံမှာ ရေး၍မရတော့။

        သူတို့သည် အခြား မဂ္ဂဇင်းများတွင် စာဝင်ရေးရတော့၏။

        ကြေးမုံ သတင်းစာသည် အစိုးရထံတွင် ဦးကြည်မြင့် နာမည်ဖြင့် စာရင်းပေါက်နေသည်။

 ကြေးမုံသတင်းစာ ချိတ်ပိတ်လိုက်သောအခါ ကြေးမုံတွင် မည်သည့်ဆောင်ရွက်မှုမျှမရှိသော ဦးကြည်မြင့်သည် အဖမ်းခံလိုက်ရ၏။

မောင်ကိုကို (အမရပူရ)

မောင်ကိုကို (အမရပူရ)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.