27-7-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
အလုပ်အကိုင်လိုနေသည့် ရခိုင်လူငယ်များ ရွှေကျား ရက်ကန်းထည်လုပ်ငန်း အလုပ်ရုံတွင် လာရောက်လျှောက်ထားနိုင်
This Week’s COVER
ဂျာနယ် အမှတ်စဉ် .... 1021
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူတို့ ဘ၀မှတ်တမ်း
ပြာသောကြယ်ကို ဂုဏ်ပြုခြင်း - ၁၁

ဟော်လန်မှာ ဝင်းတင်လွမ်းသည်။

        မြန်မာနိုင်ငံကို လွမ်းသည်။

        မြန်မာနိုင်ငံမှ သူငယ်ချင်း ဦးအုန်းထွန်း၏ သမီးငယ်များကို လွမ်းသည်။

        အလုပ်ကတော့လုပ်ရသည်။

        ငါးရက်ဆက်တိုက် အလုပ်ထဲမှာနစ်နေရသည်။

        သူသည် အလုပ်လုပ်ရခြင်းကို ကျေနပ်ပါသည်။

ဝင်းတင်သည် ငွေကြေးကို မက်မောသူမဟုတ်ပါ။ သို့သော် အလုပ်ကိုတော့ ဝင်းတင်က ချစ်သည်။ လူရောစိတ်ပါ အလုပ်ထဲမှာနှစ်မြှုပ်ထားခြင်းသည် စိတ်ကိုထိန်းသိမ်းရာလည်း ရောက်၏။

        စနေ၊ တနင်္ဂနွေ နှစ်ရက်မှာတော့ အလုပ်ပိတ်သည်။

        ဝင်းတင်သည် ထိုနှစ်ရက်မှာ လေလွင့်တော့၏။

ဝင်းတင်သည် စနေ၊ တနင်္ဂနွေတွင် ခရီးများထွက်သည်။ ဟော်လန်နိုင်ငံအနှံ့ လေလွင့်သည်။ ဟော်လန်မှာလည်း လည်ပတ်၍နှံ့ပြီ။ ဝင်းတင်သည် ဂျာမဏီ၊ ဘယ်လ်ဂျီယံနိုင်ငံများသို့သွားသည်။ လည်ပတ်၏။

ဝင်းတင်သည် စနေ၊ တနင်္ဂနွေမှာ လည်လျှင်လည်၊ မလည်လျှင် လွမ်းတော့၏။ မြန်မာပြည်မှ သူငယ် ချင်း၏ သမီးများ၊ မြေးများသည် ဝင်းတင်၏သမီးများ၊ မြေးများဖြစ်တော့၏။ ဝင်းတင်က သူတို့ကို သံယောဇဉ်ကြီးသည်။ ချစ်ခင်တွယ်တာသည်။ ဟော်လန်ကနေလွမ်းရသည်။ ဂျာမဏီကနေ လွမ်းရသည်။ ဘယ်လ် ဂျီယမ်ကနေလွမ်းရသည်။

        မလည်ပတ်လျှင်လွမ်း။

        လည်ပတ်နေလျှင်လည်းလွမ်း။

        လွမ်း။

        ဝင်းတင် လွမ်းသည်။

        အချို့သော စနေ၊ တနင်္ဂနွေနေ့ များတွင် ဝင်းတင်သည် အရက်သောက်နေလိုက်၏။

လွမ်းလွမ်းနှင့် အရက်ကို အလွန်အကျွံသောက်ပစ်လိုက်၏။ ဂျာမဏီအရက်၊ ဟော်လန် အရက်၊ ပြင်းလိုက်သည့် အရက်။ ဝင်းတင်သည် မြန်မာပြည်ကို လွမ်းဆွတ်မှုဖြင့် အသည်းကွဲနေ၏။

        လွမ်းလွမ်းနှင့် အသည်းကွဲကွဲနှင့် အရက်သောက်ရသည်မှာ အလွန်ကောင်း၏။

        ဝင်းတင်၏ သူငယ်ချင်း အုန်း ထွန်းကတော့

        ''ဒီအကောင် အတော်နေနိုင်တဲ့ ကောင်ပဲ''ဟု မြန်မာနိုင်ငံမှ လှမ်းပြော၏။

 ''သူငယ်ချင်း ငါဟာ မင်းထင်သလို လူစိမ်းကားကြီးမဟုတ်ဘူး။ ငါဟာ လွမ်းတတ်တဲ့ကောင်၊ ဆွေးတတ်တဲ့ ကောင်၊ အသည်းနှလုံး နူးညံ့တဲ့ကောင်''

        ဝင်းတင်က စိတ်ထဲက ပြန်ပြော ၏။

        အချို့သော စနေ၊ တနင်္ဂနွေနေ့ များတွင်မူ ဝင်းတင်သည် အရက် လုံးဝမသောက်ပါ။

        အခန်းတံခါးကို အလုံပိတ် သည်။

        ဝင်းတင် အခန်းအောင်း၏။

        စာဖတ်သည်။

        ဝင်းတင်သည် ပေါင်မုန့်နှင့် ကော်ဖီကိုသာစားသုံးကာ စာအုပ်တွေကိုသာ သဲကြီးမဲကြီး ဖတ်နေ လိုက်၏။

        ဝင်းတင်သည် ဟော်လန်မှာ ပိုက်ဆံရှိတိုင်း စာအုပ်ဝယ်သည်။

        တစ်ခါတစ်ရံတော့ အရက်ပုလင်းဝယ်သည်။

        စာအုပ်များကို ပိုမိုဝယ်ဖြစ်၏။

        ဝင်းတင်၏ အခန်းထဲမှာ စာအုပ်များက စုပုံနေသည်။

        ဝတ္ထု၊ ကဗျာ၊ နိုင်ငံရေး၊ ပန်းချီ၊ ဂီတ၊ လူမှုရေး၊ သိပံ္ပ၊ ပုံနှိပ်ခြင်းနည်း ပညာ...စာအုပ်များက စုံလှသည်။

        ဝင်းတင်သည် ကော်ဖီသောက်ရင်း၊ ပေါင်မုန့်စားရင်း စာဖတ်သည်။

        စာအုပ်ကို တစ်အုပ်ပြီးတစ်အုပ်ဖတ်သည်။ ဘယ်မှမထွက်တော့။ အခြားထွေလီကာလီ အစားအစာကို မစားတော့။

        ဝင်းတင်သည် ပေါင်မုန့်စားသည်။ ကော်ဖီသောက်သည်။

        စာအုပ်များကို ဝါးစားသလိုဖတ်နေ၏။

        ဝင်းတင်သည် စိတ်အာဟာရအတွက် စာအုပ်များကို စားသုံးနေခြင်း မဟုတ်ပါလား။

        ''ဟေ့ အုန်းထွန်း

        ငါ ဒီမှာ စာအုပ်ဖတ်နေတယ်။

        အဲ့ဒါ မင်းသိရဲ့လား''

        ဝင်းတင်သည် ငြိမ်သက်စွာ စာဖတ်နေသည်။

        ရင်ထဲကမူ မြန်မာနိုင်ငံသို့ အသံပြုလိုက်၏။ သူငယ်ချင်းသို့ အသံပြု၏။

        ''ဟေ့ကောင် အုန်းထွန်း ဒီမှာ ငါစာအုပ်ဖတ်နေတယ်ကွ''

ဝင်းတင်သည် တစ်ခါတစ်ရံလည်း ခပ်ကြောင်ကြောင်တွေး၏။ ''ငါဟာပျင်းလို့ စာဖတ်နေ တာလား။ စာအုပ်ဖတ်ရင်း မပျင်းဘူးလား''

        မည်သို့ပင်ဖြစ်စေ ဝင်းတင်သည် စာအုပ်ဖတ်ရင်းစိတ်လှုပ်ရှားရ၏။ အသိပညာရသည့်အခါ လည်းရ၏။

        ဆွီဒင်တွေးခေါ်ရှင်ကြီးတွေးသ ကဲ့သို့ ဝင်းတင်သည် တွေးကြည့်၏။

        ဘုရားသခင်သည် ဦးစွာရှိ၏။

        ဘုရားသခင်သည် ကြာလာသောအခါ ပျင်းတော်မူ၏။

ပင်လယ်၊ မီး၊ သစ်တော ဖန်ဆင်းသည်။ ထိုနောက် ဘုရားသခင်သည် လူယောက်ျားကို ဖန်ဆင်း၏။ လူယောက်ျားလည်း တစ်ယောက် တည်း ပျင်းမည်ဟု ဘုရားသခင်ကတွေးတော်မူ၏။ ဘုရားသခင်သည် လူမိန်းမကို ဖန်ဆင်းပေးတော်မူ၏။

        လူသားသည် ပန်းသီးကို စားမိပါပြီ။

        လူသားသည် ချစ်မိပြီ။ ကျူးလွန်မိပြီ။

        နောက်ဆက် လူသားကလေး များကို လူမိန်းမက ပေါက်ဖွားလိုက်၏။

        ဝင်းတင်သည် အခန်းထဲမှာ တွေးတောရင်းပြုံးလိုက်မိ၏။

        ''ဘုရားသခင်သည် ပျင်း၍ ဖန် ဆင်းတော်မူသည်။ ဟားဟား''

        ဝင်းတင်သည် အခန်းထဲမှာ အော်ရယ်လိုက်၏။

        အခန်းထဲမှာ ဝင်းတင်သည် အရူးတစ်ယောက်ကဲ့သို့ အော်ဟစ်ရယ်မောနေမိ၏။

        အခန်း။ ဝင်းတင်၏ အခန်း။

        ဝင်းတင်သည် အခန်းတစ်ခန်း ပြီးတစ်ခန်း ပြောင်းရွှေ့နေထိုင်ခဲ့သည်။

        ဟော်လန်မှာ ရေချိုးခန်းပါဝင်သော အခန်းကောင်းမျိုးမှာ ဈေးကြီးပေး၍ နေခဲ့ဖူးသည်။

ယခုတော့ ဟိုတယ်စုတ်စုတ် ကလေး၏ အခန်းတစ်ခန်းမှာ နေသည်။ ရုံးသို့လေးမိနစ် လမ်းလျှောက်လျှင်ရောက်၏။ လဆန်းပြီဆိုလျှင် ဝင်းတင်သည် ရေခဲသေတ္တာထဲမှာ ထမင်းကြော်ဘူး။ ခေါက်ဆွဲကြော်ဘူး။ ငရုပ်ဆီ၊ မန်ကျည်းသီးကြော်ဘူးတို့ ကို ဝယ်ပြီး တစ်ပတ်စာထည့်ထားလိုက်၏။

ဆိုးတာက ယခုအခန်းမှာ မီးလင်းဖိုမရှိ။ ရေနံဆီမီးဖိုလေးသာရှိ၏။ အပြင်လောကမှာ နှင်းများ စတင် ကျနေပါပြီ။ လမ်းပေါ်မှာ နှင်းထုကအထူကြီးတော့ မဟုတ်သေး။ တစ် မိုက်သာသာ ဖုံးလွှမ်းနေပြီ။ သုည ဒီဂရီအောက်အထိ  ရောက်အောင်တော့ မအေးသေး။ မည်သို့ပင်ဖြစ်စေ ဝင်းတင်သည် ရေနံဆီ မီးဖိုလေးကို လှုံရ၏။

        ဝင်းတင်သည်  မီးလှုံရင်း စာဖတ်နေလိုက်၏။ ကော်ဖီသောက်သည်။ ပေါင်မုန့်စားသည်။

        ဝင်းတင်မှာ ဥရောပသူ ဖြူဖြူ လေးနှင့် မိတ်ဆွေဖြစ်ရ၏။

သူမကို ဝင်းတင်က အေးဟုခေါ်၏။ ချစ်သူလည်းမဟုတ်။ မိန်းကလေးသူငယ်ချင်းဟု ဆိုပါစို့။ တစ်ခါတစ်ရံလည်း ချစ်သူလိုဖြစ်သွားသည်။ မြန်မာပြည်လိုတော့မဟုတ်ပါ။ ယဉ်ကျေးမှုက တစ်မျိုးဖြစ်သည်။

        ''ကျွန်မမှာ စေ့စပ်ထားတဲ့သူရှိတယ်။ သူက အခြားနိုင်ငံမှာ အခုအလုပ်လုပ်နေတယ်။ ကျွန်မ မကြာခင် သူနဲ့ လက်ထပ်မှာပါ''

        သူမက ဝင်းတင်ကိုပြောသည်။

        သူမကို ဝင်းတင်က အေးဟုခေါ်သည်။

        အေးသည် စေ့စပ်ထားသော အမျိုးသားရှိသော်လည်း ဝင်းတင်နှင့်အတူ ရုပ်ရှင်ကြည့်တတ်၏။

ဝင်းတင်သည် အေးနှင့်အတူ ရုပ်ရှင်ကြည့်ရတာကို ပျော်သည်ဆိုတာထက် အပျင်းပြေသည်။ အခုတော့ အေးက သူ့ကိုအဆက်အသွယ်ဖြတ်ထား၏။ ဝင်းတင်သည် လွမ်းဆွတ်လာ၏။ ဝင်းတင်သည် အေးကို ချစ်ခင်နေသလော။ အချစ်ကဘာလဲ။ ဘယ်လိုလဲ။

        ဝင်းတင် ဖုန်းဆက်၏။

        ''အေး''

        ''ပြောလေ''

        ''အေးကို ကိုယ်ချစ်တယ် လက်ထပ်မယ်''

        ''ရှင်ဟာ အရူးပဲ''

        ''ကိုယ်အခု သေမတတ် ပျင်းနေတယ်''

        ''ဒါဆို ရှင်တစ်ယောက်တည်း ရုပ်ရှင်တွေလိုက်ကြည့်ပေါ့''

        နောက်ရက်များတွင် သူမနှင့် စေ့စပ်ထားသူလည်း ဟော်လန်သို့ ရောက်လာ၏။

        ''ဒါ ကျွန်မရဲ့ အမျိုးသားပဲ''

        ''ဝမ်းသာတယ်ဗျာ''

        ဝင်းတင်သည် ထိုလူကို လက်ဆွဲနှုတ်ဆက်လိုက်၏။

        ပြီးခဲ့ပါပြီ။

        ပြီးခဲ့ပါပြီ။

ဝင်းတင်အတွက် အေးနှင့်ဇာတ်လမ်းလည်းပြီးဆုံးခဲ့ပါပြီ။ အေး လက်ထပ်လျှင် အေးတို့၏ လက်ထပ် မင်္ဂလာပွဲကို ဝင်းတင်တက်ရောက်မည်။ လက်ဖွဲ့မည်။ ဥရောပမှာတော့ ဤသို့သော ကိစ္စရပ်သည် ဘာမှ မဆန်းပြားလှပါ။

ဝင်းတင်သည် အော်ဟစ်ရယ်မောလိုက်၏။ ဝင်းတင်သည် စာအုပ်ကိုဆက်ဖတ်နေပြန်၏။ အခန်းထဲမှာ။ တစ်ယောက်တည်း။

မောင်ကိုကို (အမရပူရ)

မောင်ကိုကို (အမရပူရ)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.