16-11-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1037
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူတို့ ဘ၀မှတ်တမ်း
ပြာသောကြယ်ကို ဂုဏ်ပြုခြင်း - ၉

       ၁၉၅၁ ၊ အောက်တိုဘာ။

       ဝင်းတင်သည် စာပေဗိမာန်တွင် အလုပ်ရ၏။ ဆရာမကြီး ဒေါ်ခင်မျိုး ချစ်ရှိသည်။

ဆရာတက္ကသိုလ်ထင်ကြီးသည် အယ်ဒီတာချုပ်ဖြစ်၏။ ဝင်းတင်သည် စာပေဗိမာန် မဂ္ဂဇင်းတွင် အယ်ဒီတာ အဖြစ် လုပ်ကိုင်ရသည်။ ဦးထင်ကြီး နှင့် တွဲဖက်လုပ်ကိုင်ရ၏။

       ''သတင်းစာပညာလည်း လေ့ လာ၊ စာပေကိုလည်း လက်မလွှတ်နဲ့ မောင်ဝင်းတင်''

       ဦးထင်ကြီးသည် AFP ခေါ် ပြင်သစ်သတင်းဌာနမှာလည်း ဌာနမှူးလုပ်၏။

       ''မောင်ဝင်းတင် AFP မှာလည်း ညမှာလုပ်နိုင်မလား''

       ''လုပ်မှာပေါ့ ဆရာ''

       ဝင်းတင်သည် အလုပ်ကို ပေပေ တေတေ လုပ်တတ်၏။

ဝင်းတင်သည် မနက် ၁ဝ နာရီ မှ ညနေ ၄ နာရီအထိ စာပေဗိမာန် မှာ လုပ်သည်။ ည ၁၁ နာရီမှ မနက် ၇ နာရီအထိ AFP မှာလုပ်သည်။ ဦးထင်ကြီးကလည်း အလုပ်ဇွဲကောင်း ၏။

       AFP သည် ကျော်ကြား၏။

       သို့သော် တယ်လီပရင်တာမရှိ။

ဝိုင်ယာလက် အော်ပရေတာများ ရှိသည်။ ဝင်းတင်သည် နိုင်ငံခြား သတင်းများကို တည်းဖြတ်ရ၏။ ဖြတ်တာဆက်တာလုပ်ရ၏။ ဟံသာဝတီ သတင်းစာ၊ ရန်ကုန်သတင်းစာ၊ ဗမာ့ခေတ်သတင်းစာ၊ မန္တလေးမှာ လူထု သတင်းစာ။

       ဝင်းတင်တို့က ရရှိသော သတင်းများကို သတင်းစာတိုက်များသို့ ပို့ရ၏။ မန္တလေးလူထုကို လေယာဉ်နှင့် ပို့ပေးရ၏။

       လွစ္စလမ်း၊ အိုးဝေသတင်းစာရှိ၏။

       စပတ်လမ်းနှင့် နှစ်လမ်းသာကွာ၏။

အိုးဝေသတင်းစာကို ဦးညိုမြကဦးစီး၏။ ဦးညိုမြသည် အလုပ်ကို ပေါ့ပေါ့ပါးပါး လုပ်တတ်၏။ အပြင်းအထန် မလုပ်။ သတင်းထောက်ကလည်း အိုးဝေမှာ တစ်ယောက်သာရှိ၏။ အယ်ဒီတာက ပခုက္ကူသား ကိုဗထူး။

       ဝင်းတင်သည် ကိုဗထူးနှင့်ခင်၏။

       ကိုဗထူးထံ ဝင်းတင်က အလည်အပတ်သွားရင်း နိုင်ငံခြားသတင်းအချို့ကို ဘာသာပြန်ပေး၏။

       ''ကိုဝင်းတင်ရေ သတင်းစာ ဖောင်လေးလည်း ကိုင်ပေးသွားပါဦး''

ဝင်းတင်က ကိုဗထူးကို ကူညီလုပ်ကိုင်ပေး၏။ အချိန်တစ်နာရီ၊ နှစ်နာရီလောက် လုပ်ပေးလိုက်ရတာ မျိုးရှိ၏။ အချိန်အများကြီးတော့ မပေးနိုင်။ ပြီးလျှင် AFP ကို ပြန်ပြေးရ၏။ AFP က သတင်းများကို ဆက်လုပ်ရ၏။

ဝင်းတင်က အလုပ်ကို မညည်းမညူလုပ်၏။ သတင်းစာနှင့် ပတ်သက်သော နည်းပညာမျိုးစုံကို အလုပ်လုပ်ရင်း တတ်မြောက်လာ၏။ သတင်းစာလောကမှာ ခြေချနိုင်သူ ဖြစ်လာ၏။

       ဒဂုန်တာရာက ထိုအချိန်တွင် ဂန္ထဝင်ဂျာနယ်ထုတ်ဝေနေသည်။

       ထင်လင်းသည် ဒဂုန်တာရာနှင့် ခင်မင်၏။

ထင်လင်းက ဝင်းတင်ကို ဒဂုန်တာရာထံသို့ ခေါ်သွား၏။ မိတ်ဆက် ပေးသည်။ ဒဂုန်တာရာသည် ဝင်း တင်၏ ထက်သန်မှုကို ရိပ်စားမိ၏။

       ''ကိုဝင်းတင်၊ ကျွန်တော့် ဂန္ထဝင်ဂျာနယ်မှာ လာလုပ်ပါလား''

       ''ဟုတ်ကဲ့ လုပ်မယ်''

       သို့သော် ဒဂုန်တာရာ၏ ဂန္ထဝင်သည် နောက်ထပ် ထွက်မလာတော့ပါ။

       ဝင်းတင်သည် အလုပ်လုပ်ရင်း ဘီအေအောင်သွား၏။

၁၉၅၃ တွင် မန္တလေးလူထုသတင်းစာတိုက်၏ အယ်ဒီတာချုပ်ဆရာကြီး ရွှေဥဒေါင်း အဖမ်းခံရသည်။ လူထုဦးလှလည်း အဖမ်းခံရသည်။ ပုဒ်မ (၅)။

       လူထုဒေါ်အမာ တစ်ယောက် တည်းက လူထုသတင်းစာကို ထုတ်နေရ၏။

       ''ကိုဝင်းတင် သတင်းစာပိုးက ဒီလောက်ရွစိရွစိဖြစ်နေတာ၊ မန္တလေးမှာ လူထုဒေါ်အမာဆီသွား လုပ်ဗျာ''

       သူ့ပတ်ဝန်းကျင်က တိုက်တွန်းကြ၏။

       မန္တလေး လူထုသတင်းစာ။

       သတင်းစာ ဆရာမကြီး လူထု ဒေါ်အမာ။

       ဝင်းတင်က စိတ်ဝင်စားသည်။

ဆရာဦးတင်အေး (ရှမ်းပြည်)သည် တက္ကသိုလ်ဘာသာပြန်ဌာနမှာ ဒုတိယတာဝန်ခံ စာတည်းအဖြစ်လုပ်နေ၏။ ဆရာမင်းသုဝဏ်က တာဝန်ခံစာတည်းဖြစ် သည်။

''ဆရာ ဦးတင်အေး၊ ကျွန်တော် မန္တလေးက လူထုသတင်းစာတိုက်မှာ လူထု ဒေါ်အမာကို ကူလုပ်ပေးတယ်။ မိတ်ဆက်စာရေးပေးပါလား ဆရာ''

       ''ဟာ-ရေးပေးမှာပေါ့။ ကောင်း တယ်၊ သွားလုပ်ပါ''

       ဝင်းတင်သည် ဦးတင်အေး (ရှမ်းပြည်)၏ မ်ိတ်ဆက်စာကို ကိုင်လျက် မန္တလေးက လူထုသတင်းစာတိုက်သို့ ရောက်သွား၏။

လူထု ဒေါ်အမာသည် ဆေးလိပ်ကို တဖွားဖွားဖွာနေ၏။ စာကိုတွင် တွင်ရေးနေသည်။ နောက်နေ့ထွက်မည့် လူထုသတင်းစာအတွက် လူထုဒေါ်အမာက ခေါင်းကြီးရေးရသည်။ ဆောင်းပါးရေးရသည်။

       ဝင်းတင်သည် လူထုဒေါ်အမာ အလုပ်လုပ်နေပုံကို ကြည့်ပြီး တုန်လှုပ်သွား၏။

       ဝင်းတင်သည် မန္တလေးတွင် သုံးရက်ကြာ၏။ လူထုဒေါ်အမာနှင့် အလုပ်အကြောင်း ဆွေးနွေးကြသည်။

       ဝင်းတင်သည် ရန်ကုန်သို့ ပြန် လာ၏။

       ''မောင်ဝင်းတင်ရာ၊ စာပေ ဗိမာန်ကနေ မထွက်ပါနဲ့လား''

       ဝင်းတင်သည် မန္တလေးက လူထုသတင်းစာတိုက်သို့ သွားမည့်အစီအစဉ်ကို ဖျက်လိုက်၏။

       ဝင်းတင်သည် စာပေဗိမာန်မှာ ဆက်ရှိနေ၏။

စာပေဗိမာန်သည် ဘာသာပြန် စာပေအသင်းဖြစ်သည်။ ကမ္ဘာနှင့် ပတ်သက်သော အသိပညာ၊ အ တတ်ပညာ စာအုပ်များကို အင်္ဂလိပ်ဘာသာမှ မြန်မာဘာသာသို့ ပြန်ဆို ထုတ်ဝေရန် အလုပ်မှာ စာပေဗိမာန်၏ အလုပ်ဖြစ်သည်။

 ဒေါ်ခင်မျိုးချစ်၊ မောင်ထင်၊ ဒဂုန်ရွှေမျှား စသော ဝါရင့်စာရေးဆရာကြီးများသည် စာပေဗိမာန်တွင် ဝင်ရောက်ဆောင်ရွက်နေကြ၏။

       ဝင်းတင်သည် ဘာသာပြန် စာအုပ်များကို လေ့လာမိ၏။

       တစ်ဦး၏ ပြန်ဆိုချက်နှင့် အခြားတစ်ဦး၏ ပြန်ဆိုချက်မတူပါလားဟု ဝင်းတင် တွေးမိ၏။

       ''ဘာသာပြန်တယ်ဆိုတာကလည်း ပါရမီဓာတ်ခံရှိမှ ဖြစ်မယ်ထင်တယ်''

       ဝင်းတင်ကတွေးသည်။

       မောင်ထင်သည် စံထားရမည့် ဘာသာပြန်ဆရာ တစ်ဦးဖြစ်၏။

       သို့သော် ဝင်းတင်က မြသန်းတင့်၏ ဘာသာပြန်စာအုပ်များကို ထိတွေ့မိ၏။

''မြသန်းတင့် ဘာသာပြန်တာက ရေထဲ မြွေတစ်ကောင် ရေကူးနေသလိုပဲ။ အသာလေး လျှောခနဲလျှောခနဲ လိုရာကို ရောက်သွားတယ်''

       ဝင်းတင်က သူ့မိတ်ဆွေများကို ပြောပြ၏။

''ကျွန်တော် ဘာသာပြန်တာက ခွေးတစ်ကောင်ကို ရေထဲအချခံရသလိုပဲ။ ယက်ကန်ယက်ကန်နဲ့။ တဝုန်းဝုန်းနဲ့။ ခွေးကူးကူးနေရတယ်''

       ဝင်းတင်က ဝန်ခံ၏။ ၁၉၅၃။

စာရေးဆရာကြီး မောင်ထင်၊ ဒေါ်ခင်မျိုးချစ်၊ စာရေးဆရာ ထင်လင်းတို့၏ ဘာသာပြန်များသည် အလွန်သေသပ်လှပကြောင်းကိုလည်း ဝင်းတင်သည် စာပေဗိမာန်မှာ လုပ်ရင်း သတိထားမိ၏။

       ''ဘာသာပြန်တဲ့ နေရာမှာ အတတ်ပညာ တော်တော်လေး လိုအပ်တယ်ဗျာ''

       ဝင်းတင်က ပြောသည်။

       စာပေဗိမာန် စာအုပ်တိုက်သည် စွယ်စုံကျမ်းများကိုထုတ်ဝေ၏။ အင်္ဂလန်မှာ ရိုက်နှိပ်သည်။

 နှစ် ၅ဝ စာစဉ်၊ လူထုသိပံ္ပ စာ အုပ်များကို ဟော်လန်က ဂျမ်ဘာ တန် ကုမ္ပဏီမှာ ရိုက်နှိပ်သည်။ ဂျမ် ဘာတန်သည် အင်ဒိုနီးရှားဝေါဟာရ ဖြစ်သည်။ ပေါင်းကူးတံတားဟု အဓိပ္ပာယ်ရ၏။

ဂျမ်ဘာတန် ကုမ္ပဏီသည် မြန်မာစာအုပ်များကို ရိုက်နှိပ်ရာတွင် ကြီး ကြပ်ပေးရန်၊ အကြံÓဏ်ပေးရန် အယ်ဒီတာတစ်ဦးလိုအပ်ကြောင်း စာပေဗိမာန်သို့ ဆက်သွယ်ပြောကြား၏။

       ''ကဲ-ဥရောပကို အလုပ်သွား လုပ်ရမယ်၊ ဘယ်သူလျှောက်မလဲ''

       ဆရာ ဦးထင်ကြီးက ပြောသည်။

       ဝင်းတင်က ထိုအလုပ်ကို စိတ်ဝင်စားသည်။ ဥရောပနိုင်ငံ၏ ပုံနှိပ်ထုတ်ဝေမှုကို လေ့လာလို၏။

       ''ကျွန်တော် လျှောက်မယ် ဆရာ''

       ဝင်းတင်က လျှောက်လွှာတင် ဖြစ်၏။

       ၁၉၅၄ တွင် ဝင်းတင်သည် ဟော်လန်နိုင်ငံ၊ အမ်စတာဒမ်မြို့၊ ဂျမ်ဘာတန် စာအုပ်ကုမ္ပဏီသို့ ရောက်သွား၏။

       ဝင်းတင်သည် ဂျမ်ဘာတန်ကုမ္ပဏီ၏ မြန်မာစာအုပ်ဆိုင်ရာ အကြံပေး ဖြစ်သွားသည်။

       နှစ် ၅ဝ စာစဉ်။ လူထုသိပံ္ပ ကျမ်းစာအုပ်များကို ထုတ်သည်။

       ကျောင်းသုံးစာအုပ်များ ရိုက်နှိပ် သည်။

       ဒေါက်တာမောင်မောင်ရေးသော သက်ရှိရာဇဝင်စာအုပ်ကို ရိုက်နှိပ် ထုတ်ဝေသည်။ မြန်မာ့အလင်း အယ်ဒီတာချုပ် ဦးစိုးမောင် ရေးသော ဝန်းသိုစော်ဘွားစာအုပ်ကို ရိုက်နှိပ် ထုတ်ဝေသည်။

       ဝင်းတင်သည် ဥရောပမှာ ဒေါက်တာမောင်မောင်နှင့်ဆုံ၏။

ဒေါက်တာမောင်မောင်က အင်္ဂလန်မှာ နေသည်။ ဥပဒေဆိုင်ရာ ကျောင်းတစ်ခုတွင် တက်ရောက်နေ၏။ ပါရဂူဘွဲ့အတွက် ကျမ်းပြုစာ တမ်းကို ဟော်လန်မှာ လာလုပ်၏။ ဝင်းတင်နှင့် ဆုံဖြစ်သည်။ မကြာ မကြာဆုံတွေ့လာကြ၏။

''ဒေါက်တာမောင်မောင်က ကျွန်တော့်ဆရာတော့ မဟုတ်ဘူး။ သူဟာ လေးစားအပ်တဲ့ ပုဂ္ဂိုလ်ပါ။ တည်ငြိမ်တယ်။ ပညာလည်းထူးချွန်တယ်။ ဒါနဲ့ ကျွန်တော်က ဆရာလို့ပဲ ခေါ်တယ်''

       ဝင်းတင်က ပြောသည်။

ဝင်းတင်သည် ဟော်လန်မှာ ဒေါ်သင်းကြည်နှင့် ဆုံသည်။ ဂျမ်ဘာ တန် ကုမ္ပဏီနှင့် တွဲပြီး ပထဝီစာအုပ် ထုတ်စဉ်မှာ ဝင်းတင်က ထိုစာအုပ်ကို ကြီးကြပ်ပေး၏။

ဝင်းတင်သည် ဥရောပမှာ သံအမတ်ကြီး ဦးဝမ်ကိုဟောနှင့်လည်းဆုံရ၏။ ချင်းအမျိုးသားကြီး တစ်ဦးဖြစ်သည်။ ပြင်သစ်သံအမတ်ကြီးဖြစ်သည်။ နယ်သာလန်သံ အမတ်အဖြစ်လည်း ပူးတွဲတာဝန်ယူရ၏။ ဝင်းတင်သည် မော်စကိုရေဒီယိုမှာ အသံလွှင့်နေသော ကိုတင်မြနှင့် လည်း ဥရောပတွင်ဆုံရ၏။

မောင်ကိုကို (အမရပူရ)

မောင်ကိုကို (အမရပူရ)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.