14-12-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
မြန်မာ-အိန္ဒိယချစ်ကြည်ရေး လမ်းမကြီးဖြစ်သည့် ကလေးဝ-တမူးလမ်းပိုင်းရှိ တံတား ၆၉ စင်းကို အိန္ဒိယနိုင်ငံမှ အမေရိကန်ဒေါ်လာ သန်း ၆ဝ အကုန်အကျခံတည်ဆောက်ပေးမည်
This Week’s COVER
ဂျာနယ် အမှတ်စဉ် .... 1041
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူတို့ ဘ၀မှတ်တမ်း
ပြာသောကြယ်ကို ဂုဏ်ပြုခြင်း - ၇

တော်လှန်ရေးအပြီး ဂျပန်ခေတ်အကုန်တွင် ဝင်းတင်သည် ကြို့ပင်ကောက်မြို့ ပေါ်သို့ ပြန်လည်ရောက်ရှိလာ၏။

       ဖဆပလ။

       ပြည်သူ့ရဲဘော်။

       ကွန်မြူနစ်ပါတီ။

       နိုင်ငံရေး လှုပ်ရှားမှုများ၏ အရှိန်သည် မြင့်တက်နေ၏။

ဝင်းတင်သည် ပြည်သူ့ရဲဘော်အဖွဲ့ထဲမှာဝင်လုပ်၏။ ကျောင်းသား တပ်ဦးတွင် စစ်ရေးတာဝန်ခံ လုပ်သည်။ ကျောင်းသားတပ်ဦးခေါင်း ဆောင်အနေနှင့် စစ်ပညာ သင်တန်းတက်ရ၏။ သာယာဝတီခရိုင်၊ လက်ပံ တန်းသို့ သွား၍ စစ်သင်တန်းတက်၏။

စစ်သင်တန်းဆရာ ကိုချမ်းအေးနှင့်ဆုံရသည်။ ကိုချမ်းအေးသည် တစ်ချိန်တွင် စာရေးဆရာ မောင်စူးစမ်းဖြစ်လာမည့်သူ။

ကိုချမ်းအေးသည် ဂျပန်ခေတ် ယောနင်းစစ်သင်တန်းဆင်း။ သူသည် အင်္ဂလိပ်စာအုပ် အထူကြီးများကို ဖတ်နေတတ်၏။ ဝင်းတင်သည် အင်္ဂလိပ်စာ သင်ကြားနေသော်လည်း မတတ်မြောက်သေးပါ။ ရဲဘော်ချမ်းအေးခေါ် မောင်စူးစမ်းကို အားကျ သည်။ အံ့သြ၏။ လူကသေးသေး စာအုပ်ကထူထူ မောင်ချမ်းအေး။

ဝင်းတင်က လေးစားမိပါသည်။

၁၉၄၇ တွင် ဝင်းတင်သည် ကြို့ပင်ကောက်မြို့နယ်၊ ကျောင်းသား သမဂ္ဂဥက္ကဋ္ဌဖြစ်လာသည်။ ကျောင်းသားသမဂ္ဂညီလာခံများသို့ တက်ရ၏။  ဝင်းတင်သည် လူငယ်ဖြစ်သော်လည်း ကျောင်းသားသမဂ္ဂဥက္ကဋ္ဌ ဖြစ် သည့်အတွက် တည်တည်ကြည် ကြည်၊ သိက္ခာရှိရှိလှုပ်ရှားသည်။ ကြို့ပင်ကောက်ရှိ ဖဆပလ ခေါင်းဆောင်များ၊ ကွန်မြူနစ်ပါတီ ခေါင်း ဆောင်များနှင့် ခင်မင်ရင်းနှီး၏။

၁၉၄၈ တွင် ဝင်းတင်သည် တက္ကသိုလ်ဝင်တန်း စာမေးပွဲအောင်သည်။ တက္ကသိုလ် တက်ရန် ရန်ကုန် မြို့သို့ ရောက်လာ၏။

 သူ့ဦးလေးတစ်ယောက်က စစ်ဗိုလ်ဖြစ်သည်။ ချင်းချောင်းနန်းတော်တွင် တပ်ချထား၏။ ဝင်းတင်သည် ဦးလေးစစ်ဗိုလ်ထံမှာနေ၏။ ဝင်းတင်မှာ စာအုပ်များစွာပါ လာသည်။ အဖေ့စာအုပ်။ ဦးလေးစာအုပ်။ စာအစုံဖတ်သည်။

ချင်းချောင်းနန်းတော်၊ တက္ကသိုလ်ရိပ်သာလမ်းနှင့် ကုက္ကိုင်းလမ်းထောင့်။ ဝင်းတင်သည် တစ်နေ့လုံး စာဖတ်နေ၏။ စစ်သားတွေက နန်းတော်၏ အခင်းဖြစ်သော ပါကေးကျွန်းသားများကို မီးဆိုက်သည်။ စစ်သားများသည် ရေချိုးကန်ကြွေဇလုံ အကြီးကြီးထဲတွင် အညစ်အကြေးစွန့်ကြ၏။ ဝင်းတင်သည် စိတ်ပျက် သွား၏။

ဝင်းတင်သည် တက္ကသိုလ် အ ဆောင်မှာပဲ ပြောင်းရွှေ့နေလိုက်တော့၏။

ဘွဲ့နှင်းသဘင်အနားမှာ စီးပွားရေးတက္ကသိုလ်အဆောက်အအုံ မရှိသေးပါ။ ကွက်လပ်ကြီးဖြစ်သည်။ ကရင်နှင့်တပ်မတော်တိုက်ပွဲဖြစ်စဉ်က ထိုကွက်လပ်နေရာက နေ အမြောက်တွေထောင်ပြီး တဒိန်းဒိန်းထောင်ပစ်တာမျိုးရှိခဲဖူး၏။

ဝင်းတင်သည် ရန်ကုန်တက္ကသိုလ်မှာ ဥပစာတန်းတက်သည်။ မြန်မာစာ၊ အင်္ဂလိပ်စာ၊ စိတ်ကြိုက် မြန်မာစာ၊ သမိုင်းနှင့် လော့ဂျစ် (ယုတ္တိဗေဒ) ကိုယူ၏။

       စစ်ကြီးလည်းပြီးခဲ့ပြီ။

       လွတ်လပ်ရေးကိုရခဲ့ပြီ။

       တက္ကသိုလ်ကျောင်းသားများ သည် လွတ်လွတ်လပ်လပ် နေထိုင်ကြ၏။

       ခုံဖိနပ်နှင့် ကျောင်းတက်သူလည်းရှိ၏။ ဆံပင်စုတ်ဖွား။ တကသရှိသည်။ ဝတ္ထု ကဗျာရှိသည်။

       တက္ကသိုလ်တွင် ဝတ္ထု၊ ကဗျာမရှိလျှင်၊ တကသမရှိလျှင် အဓိပ္ပာယ်မရှိဟု ဝင်းတင်က ထင်၏။

ဝင်းတင်သည် ကျောင်းထဲမှာ သွားချင်ရာသို့သွား၏။ စာသင်ခန်းထဲသို့ ဝင်ဖြစ်သည့်အခါလည်းဝင်၏။ သူငယ်ချင်းများနှင့်စုဖွဲ့ကာ ကဗျာအကြောင်း ပြောသည့် အခါလည်း ပြောနေ၏။

       ''ဝင်းတင် မတွေ့ပါလားကွ''

အတန်းထဲမှာ မည်သည့်ဆရာကမျှမပြောပါ။ အတန်းထဲမှာ ဝင်းတင်ဆိုသည့် ကျောင်းသားတစ် ယောက်ရှိခြင်း၊ မရှိခြင်းကိုလည်း ဆရာကစိတ်မဝင်စားပါ။ ဆရာ သည် အတန်းထဲသို့ရောက်သည်နှင့် ''မြန်မာစာပေသမိုင်းမှာထင်ရှားတဲ့ စာဆိုတွေက တော့''

       သင်စရာရှိတာသင်သည်။

       ပို့ချသည်။

       အချိန်စေ့ ခေါင်းလောင်းထိုးသည်။ ပြန်ထွက်သွား၏။

       ဝင်းတင်တို့သည် ထမင်းကို စုဝေးစားကြ၏။

       ''အဆောင်ဟင်း မကောင်းရင်ကုလားဆိုင်က ဘယာကြော်သုပ်နဲ့ စမူဆာသုပ် ဝယ်ကြတာပေါ့ကွာ''

       ဝင်းတင်၏ အခန်းထဲမှာ သူ့သူငယ်ချင်းအရင်း အုန်းထွန်းလည်းနေ၏။ အုန်းထွန်း သည် ဝင်းတင်နှင့် အတူ ထမင်းစား၏။

       ''ငါ့မြို့ကို ငါမေ့သွားတယ်''

       တစ်ယောက်က ပြောသည်။

       ''ငါ့အိမ်ကို ငါ့မေ့သွားတယ်''

       အခြားတစ်ယောက်ပြော၏။

       ''ငါကတော့ ငါ့မြို့မှာ ငါ့ရဲ့မရှိဖူးတဲ့ ချစ်သူကိုငါမေ့သွားတယ်''

       ဝင်းတင်က ပြောသည်။

တက္ကသိုလ်သို့ သူဌေးသမီးလည်းလာသည်။ အချောဆုံး၊ အလှဆုံးဆိုသည့် မိန်းကလေးများလည်း လာသည်။ ကားနှင့်လာကြသည်။

       ဝင်းတင်ကတော့ သူ့ဟန်နှင့်သူ။

       ''ငါ စိတ်မဝင်စားဘူးကွာ၊ လှလှ မလှလှ၊ ချောချော မချောချော ငါမသိဘူး။ ငါဖတ်ချင်တဲ့ စာအုပ်ကိုပဲ ငါဖတ်နေမယ်''

ရန်ကုန်တက္ကသိုလ်ထဲမှာ ခုံဖိနပ်တဂွပ်ဂွပ်နှင့် လမ်းလျှောက်နေသော ဝင်းတင်။ အဓိပတိ လမ်းပေါ်မှာ၊ သစ်ပုပ်ပင်အောက်မှာ၊ တက္ကသိုလ်စာကြည့်တိုက်ရှေ့မှာ တဂွပ်ဂွပ်နှင့် ဝင်းတင်။ စာအုပ်တစ် အုပ်ကို လက်ကကိုင်လျက်။

       သူသည် ကွန်မြူနစ်ဝါဒစာ စာပေမျိုးကိုလည်း ဖတ်သည်။ ဝတ္ထုကဗျာကိုလည်း ဖတ်သည်။

       ကျောင်းတက်ချင်သည့်နေ့ တက်သည်။ ကျောင်းမတက်ချင် သည့်နေ့မှာမတက်။

       ''လီနင်ရေးတဲ့စာဖတ် ပြီးသွားပြီ။ ကဗျာတစ်ပုဒ်လောက် ဖတ်လိုက်ဦးမယ်ကွာ''

      ဝင်းတင်သည်ရန်ကုန်တက္ကသိုလ်မှာ မြသန်းတင့်နှင့် ဆုံသည်။

       မြသန်းတင့်သည် မြိုင်မြို့မှ လာခဲ့၏။ ဖက်ဆစ်တော်လှန်ရေးတွင် ပါ ဝင်ခဲဖူးသည်။ ကွန်မြူနစ်ပါတီဝင်ခဲ့ ဖူးသည်။

 မြသန်းတင့်သည်  ရန်ကုန်တက္ကသိုလ်သို့ ရောက်သောအခါမှာလည်း ကျောင်းသား လှုပ်ရှားမှုများတွင်ပါဝင်သည်။ ကွန်မြူနစ်ပါတီ၏ လှုပ်ရှားမှုများတွင်လည်း ပါဝင်ပြန်၏။ ထိုသို့သော လှုပ်ရှားမှုများထဲကနေ ဝတ္ထုတိုများကိုရေးသည်။

       သူတော်ချင်းချင်း သီတင်းလွေ့လွေ့ ပေါင်းဖက်တွေ့သည်။

ဝင်းတင်သည် မြသန်းတင့်နှင့် ရင်းနှီးသွား၏။ မျက်မှန်ထူထူကြီးနှင့် မြသန်းတင့်ကို ဝင်းတင်က အလေးအနက်ရှိသည်။ မြသန်းတင့်နှင့် ဝင်းတင်သည် အင်းလျားကန်စောင်း မှာ သွားထိုင်ကြသည်။

       ကဗျာတွေ၊ ဝတ္ထုတွေအကြောင်း ပြောကြသည်။

       ဝင်းတင်နေသော စစ်ကိုင်းဆောင်တွင် ကပ်လျက်အခန်းက ကဗျာဆရာ မင်းယုဝေရှိသည်။

       စစ်ကိုင်းဆောင် ဒုတိယထပ်။

       မင်းယုဝေသည် ကဗျာကို အလွန်ရေး၏။ တစ်ပုဒ်ရေးပြီးလျှင် ဝင်းတင်ထံသို့ ကူးသန်းလာ၏။

       ''ကိုဝင်းတင်၊ ဟောဒါက အသစ်ရေးတာ ဖတ်ကြည့်စမ်းပါဗျာ''

မင်းယုဝေသည် ကဗျာစာအုပ်တစ်အုပ်စာ ရေးပြီးသွား၏။ ဆရာမင်းသုဝဏ်၏ အမှာစာနှင့် 'ဘဝမာလာ' ကဗျာ စာအုပ်ထုတ်ဝေသည်။

       မင်းယုဝေဟူ၍ဖြစ်လာသည်။ ကဗျာဆရာမငွေတာရီနှင့် ချစ်သူဖြစ်သွားကြ၏။ ဝင်းတင်သည် ကဗျာရေးသည်။

သို့သော် ဝင်းတင်သည် မင်းယုဝေ၏ကဗျာကို ဖတ်ရသောအခါ မိမိအခြေအနေကို နားလည်သွား၏။ မင်းယုဝေ၏ ကဗျာများက အလွန်ကောင်းနေသည်။ သူ ခံစားရ၏။

       ဝင်းတင်သည်ကဗျာကို အပျော်တမ်းရေးနေ၏။

       မင်းယုဝေကဗျာများကို ဝင်းတင်ကဗျာကလိုက်မမီနိုင်။ ဝင်းတင်သည် ကဗျာဘက်ကို စိတ်လျှော့လိုက်၏။

       ''ကျွန်တော်တော့ သတင်းစာဘက်ကို စိုက်လိုက်မတ်တတ်လုပ်တော့မယ်ဗျာ။ ကဗျာကို ခင်ဗျားတို့ ဆက်ရေးပေါ့''

ဝင်းတင်က မင်းယုဝေကို ပြောသည်။ ဝင်းတင်သည် တက္ကသိုလ်ရောက်စနှစ်မှာ ပင် ကဗျာနှင့်ခွဲခွာလိုက်၏။ ကဗျာပါရမီနည်းသည်ဟု ယူဆမိ၍ဖြစ်သည်။

မောင်ကိုကို (အမရပူရ)

မောင်ကိုကို (အမရပူရ)
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.