22-6-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
ရခိုင်ကမ်းရိုးတန်းတွင် ငါးဖမ်းဆီးရရှိမှုနည်းပါးလာသည့်အတွက် ငါးဖမ်းကိရိယာများ ပြောင်းလဲသုံးစွဲလာကြ
This Week’s COVER
ဂျာနယ် အမှတ်စဉ် .... 1016
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူတို့ ဘ၀မှတ်တမ်း
အရမ်းဘာသာမပြန်နဲ့ဆိုတဲ့ ဆရာကြီးတက်တိုး

''အရမ်းဘာသာမပြန်နဲ့''

 မြန်မာ့လွတ်လပ်ရေးရပြီးချိန် တွင် မြန်မာနိုင်ငံ၌ထင်ရှားသော လစဉ်ထုတ် မဂ္ဂဇင်းကြီး နှစ်စောင်ရှိသည်။ ရှုမဝရုပ်စုံမဂ္ဂဇင်းနှင့် သွေးသောက်မဂ္ဂဇင်းဖြစ်၏။ ရှုမဝရုပ်စုံမဂ္ဂဇင်းကို ပြည်ခရိုင် ရွှေတောင်မြို့သား ဦးကျော်က ဦးဆောင်ခဲ့ပြီး သွေး သောက်မဂ္ဂဇင်းကို နတ်တလင်းမြို့သား ဦးကျော်ရိုး (ပြည့်စုံ)က ဦး ဆောင်သည်။ မဂ္ဂဇင်းနှစ်စောင် စလုံး ပင် အောင်မြင်ထွန်းကား၍ ရွှေဥ ဒေါင်း၊ ဂျာနယ်ကျော် မမလေး၊ ဒဂုန် တာရာ၊ မင်းသုဝဏ်၊ ဇော်ဂျီ၊ တက် တိုး၊ နုယဉ်၊ သော်တာဆွေ၊ တင့်တယ်၊ လင်းယုန်နီ၊ မင်းရှင်စသော နာမည် ကျော် စာရေးဆရာများဝင်ရေးကြ၏။

ဆရာသော်တာဆွေက ရှုမဝမဂ္ဂဇင်းမှတင်သူကလောင်ဖြစ်၍ သွေးသောက်မဂ္ဂဇင်းတွင်မရေးပေ။ အခြားစာရေးဆရာတို့မှာ ရှုမဝမဂ္ဂဇင်းနှင့် သွေးသောက်မဂ္ဂဇင်းတို့တွင် လစဉ်လိုလို ရေးသားကြလေသည်။ ထိုစဉ်က ရှုမဝနှင့် သွေးသောက် မဂ္ဂ ဇင်းတို့ ထွက်ရက်မှာ အင်္ဂလိပ်လ ဆန်း ၁ ရက်နေ့ဖြစ်၍ လခထုတ်ပြီး အပြန် (ထိုစဉ်က လဆန်းတစ်ရက်နေ့မှ လခထုတ်ပေးသည်။) ရှုမဝမဂ္ဂဇင်း သွေးသောက်မဂ္ဂဇင်းတို့ကို တစ်စောင်နှစ်ကျပ်နှုန်းဖြင့် ဝယ်ယူအားပေးကြသည်ကို သတိရ၏။

(၂)

သွးသောက်မဂ္ဂဇင်းတွင် စာရေးဆရာတက်တိုးရေးသော ဆောင်း ပါးတစ်ပုဒ်ဖော်ပြခဲ့ရာ စာပေလောက တစ်ရပ်လုံးမှာ ခေတ်စကားနှင့် ပြောကြားရလျှင် ပွဲဆူသွားလေသည်။ ဆောင်းပါးခေါင်းစဉ်မှာ ''အရမ်း ဘာသာမပြန်နဲ့'' ဟူ၏။    

ဆရာတက်တိုးက အင်္ဂလိပ်စာ ဘာသာကို အရေးအသား ကျွမ်းကျင် မှုမရှိဘဲနှင့် မြန်မာဘာသာသို့ ပြန်ဆိုကြသူများ အမှားအယွင်းရှိနေခြင်းကြောင့် ဘာသာပြန်လုပ်ငန်းကို လွယ်လွယ်ဖြင့် မလုပ်ကြစေချင်ကြောင်း စေတနာဖြင့် ရေးသားသတိပေးခြင်း ဖြစ်သည်။

ထိုဆောင်းပါးကို ရေးသားသူဆရာတက်တိုးအား အင်္ဂလိပ်စာကလေး မတောက်တစ်ခေါက်နှင့် ဘာသာပြန်ချင်ကြသော လူငယ်များက မကျေမနပ်ဖြစ်ကြသည်။ ဆရာတက်တိုးအပေါ်တွင် ပုတ်ခတ်ဝေဖန် တိုက်ခိုက်သော ဆောင်းပါးများ ထွက်ပေါ်လာသည်။ သို့သော် ဆရာတက်တိုးက မိမိအပေါ် တိုက်ခိုက်လာသည်တို့ကို ပြန်လည်တုံ့ပြန်ခြင်းမရှိဘဲ ခပ်အေးအေးသာနေခဲ့သည်။ မြန်မာ စာပေလောကတွင် နောင်အခါ၌ အရမ်းဘာသာပြန်ခြင်းများနည်းပါး သွားသည်မှာ ဆရာတက်တိုး လူမုန်းခံ၍ ရေးခဲ့သောဆောင်းပါး၏ အကျိုး ကျေးဇူးပင်တည်း။

 ပြောရဦးမည်။ ယခုအခါ ပြန်ကြားရေးဝန်ကြီးဌာနက ဘာသာရပ်အလိုက် စာတမ်းဖတ်ပွဲများကို စနစ်တကျကျ စီစဉ်ကျင်းပပေးလျက်ရှိ ရာ ဘာသာပြန် စာပေစာတမ်းဖတ်ပွဲ   ကျင်းပကြောင်းကိုလည်း ဂျာနယ်၊ သတင်းစာများ၌ ဖတ်ရှုရသည်။ မြန်မာနိုင်ငံ၌ ဘာသာပြန်စာပေ အားပေးဆောင်ရွက်မှု တစ်ခုအဖြစ် လှိုက်လှဲစွာ ကြိုဆိုရပေသည်။

 ပြောချင်သေး၏။ လမ်းစဉ်ပါတီ ခေတ်ကောင်းနေစဉ် ခရစ် ၁၉၈ဝ ပြည့်လွန်ဆီက လမ်းစဉ်ပါတီဌာနချုပ် ပညာရေးသုတေသနဌာနကြီးမှူး စာရေးဆရာ ''အောင်သန်း (မန္တလေး)''က  အင်္ဂလိပ်စာရေးဆရာ ကြီး ရွှေရိုးရေးသားသော The Burma စာအုပ်ကို မြန်မာဘာသာပြန် စာရေးဆရာတစ်ဦး၏ လက်ရာ 'မြန်မာ'ဆိုသော စာအုပ်အား ဝေဖန် ထောက်ပြခဲ့သဖြင့် မြန်မာစာပေလောက ပွဲဆူသွားခဲ့သည်။ ဆရာအောင်သန်း (မန္တလေး) မှာ အင်္ဂလိပ် စာတတ်ပုဂ္ဂိုလ်ဖြစ်၍ အဆိုပါ 'မြန်မာ' နာမည်နှင့် ဘာသာပြန် စာအုပ် ဘာသာပြန်တွင်ပါရှိသော အမှားများကိုသတင်းစာများ၌ ထင်ရှားစွာ ထောက်ပြခဲ့သည်။

အင်္ဂလိပ်စာရေးဆရာ ရွှေရိုးရေးသော Philosopher’s Stone ကို ပြဒါးရှင်လုံးဟု ဘာသာပြန်ရမည်ဖြစ်ပါလျက် တိုက်ရိုက်ဘာသာပြန်သူ စာရေးဆရာက စာရေးဆရာရွှေရိုး၏ တင်စားဖွဲဆိုမှုကို သတိမပြုမိရှာဘဲ 'ဒဿနိကပညာရှင်၏ ကျောက် တုံး'ဟု ဘာသာပြန်ခဲ့သည်ဆို၏။ မှားလေစွ။

ထို့ပြင် မင်းတုန်းမင်းခေတ်တွင်ထင်ရှားသော 'ဖန်ချက်ဝန်'ကို အင်္ဂလိပ် စာရေးဆရာရွှေရိုးက Panggetwun ဟု ရေးသားခဲ့ရာ ဘာသာပြန်သူက ထိုအင်္ဂလိပ်စာလုံး အသံထွက်အတိုင်း တိုက်ရိုက်ယူသဖြင့် ''ပန်းရက်ဝန်''ဟု ဘာသာပြန်မိ မှားသည်ဆို၏။ ယခုအခါတွင် အဆိုပါ စာရေးဆရာ အောင်သန်း (မန္တလေး)ရော၊ ဆရာရွှေရိုး၏ The Burma စာအုပ်ကို ဘာသာပြန်သော စာရေးဆရာတို့ပါ ကွယ်လွန်ကြရှာပြီ။ အင်္ဂလိပ်စာမှ မြန်မာဘာသာပြန်ချင်သော မြန်မာ လူငယ် စာရေးဆရာတို့ သိမှတ်ရန် တင်ပြနေ ခြင်းပင်။

(၃)

ယခုအခါ၌ ''အရမ်းဘာသာမပြန်နဲ့''ဟူ၍ အမုန်းခံကာ ဆောင်းပါးရေး သတိပေးခဲ့သူ စာရေးဆရာကြီးတက်တိုးမှာကွယ်လွန်ခဲ့ရှာပြီ။ သို့သော် ဆရာတက်တိုး၏ စေတနာမှန်သည်ကား ဘာသာပြန်စာရေး ဆရာတို့အတွက် အထူးထက်မြက်စွာ ခံယူသင့်ပေသတည်း။

တက္ကသိုလ်စိန်တင်

တက္ကသိုလ်စိန်တင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.