17-8-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
၂ဝ၁၇ ခုနှစ် ဧပြီလ ၁ ရက်နေ့မှ သြဂုတ်လ ၃ ရက်နေ့အထိ လေးလတာကာလအတွင်း တာချီလိတ်နယ်စပ်ဝင်ပေါက်မှ နိုင်ငံတကာ ခရီးသွားဧည့်သည်ရှစ်ထောင့်ငါးရာကျော်ဝင်ရောက်လည်ပတ်ခဲ့
This Week’s COVER
ဂျာနယ် အမှတ်စဉ် .... 1024
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူတို့ ဘ၀မှတ်တမ်း
ပြည်သူလူထု အောင်ပွဲခံမည့်နှစ်အဖြစ် ၂၀၁၇ ကို အထူး သတိထားကြ

(၁)

၂ဝ၁၇ ခုနှစ်၊ ကြားဖြတ်ရွေး ကောက်ပွဲတွင် ဝင်ရောက်ယှဉ်ပြိုင် ကြမည့် လွှတ်တော်ကိုယ်စားလှယ် များ၏ အမည်စာရင်းများကို ၃-၁-၂ဝ၁၇ နေ့တွင် သက်ဆိုင်ရာမှ ကြေညာလိုက်သည်။ ထိုစာရင်း များကို ဖတ်ရှုကြည့်သည့်အခါ နိုင်ငံရေးပါတီ ၂၄ ဖွဲ့နှင့် တစ်သီး ပုဂ္ဂလ ပုဂ္ဂိုလ်များအပါအဝင် စုစု ပေါင်း ကိုယ်စားလှယ်အဖွဲ့ဝင် လောင်း ၉၅ ဦးတို့ ဝင်ရောက်ယှဉ် ပြိုင်ရွေးကောက်ကြမည်ဖြစ်သည်။ ယင်းတို့ထဲတွင် ပြည်ထောင်စုကြံ့ ခိုင်ရေး ပါတီက ပြည်သူ့လွှတ်တော်၊ အမျိုးသား လွှတ်တော်၊ တိုင်းနှင့် ပြည်နယ်ဒေသကြီး လွှတ်တော်တို့ အတွက် ၁၉ ဦးပါဝင် ယှဉ်ပြိုင်ကြ မည်ဖြစ်ပြီး၊ ယနေ့အာဏာရ အ မျိုးသား ဒီမိုကရေစီအဖွဲ့ချုပ်မှ ၁၈ ဦး ပါဝင်ယှဉ်ပြိုင်ကြမည်ဖြစ်သည်။ ဤကဲ့သို့ ကြားဖြတ်ရွေးကောက်ပွဲ တွင် အာဏာရနိုင်ငံရေးပါတီကြီး ဖြစ်သော အမျိုးသား ဒီမိုကရေစီ အဖွဲ့ချုပ် လွှတ်တော်လောင်းများ ထက်၊ တစ်ဦးပိုပြီး ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက ဝင်ရောက်ယှဉ်ပြိုင်ကြ မည်မှာ အ လွန်ထူးခြားလှပေသည်။ အဘယ် ကြောင့်ဆိုသော် ၂ဝ၁၅ ခုနှစ်၊ နိုဝင်ဘာ ၈ ရက်နေ့က ကျင်းပခဲ့ သည့် ပါတီစုံ ဒီမိုကရေစီ ရွေး ကောက်ပွဲတွင် ခွက်ခွက်လန် အရှုံးကြီးရှုံးခဲ့သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီသည် ၂ဝ၁၇ ခုနှစ်၊ ကြားဖြတ်ရွေး ကောက်ပွဲတွင် အထင်ကြီးတစ်ခွဲ သားနှင့် အင်ပြည့် အားပြည့် ဝင် ရောက်ယှဉ်ပြိုင်ခြင်းဖြစ်၍တည်း။

 ပြောစရာရှိသည်မှာကား ၂ဝ၁၇ ခုနှစ်၊ ကြားဖြတ်ရွေး ကောက်ပွဲသည် ၂ဝ၂ဝ ခုနှစ်တွင် ကျင်းပမည်ဖြစ်သည့် တတိယအ ကြိမ် လွှတ်တော် ရွေးကောက်ပွဲအ တွက် တင်ကြို၍ နိုင်ငံရေးပါတီ၏ အင်အားကို စမ်းသပ်ညှိနှိုင်းသည့် သဘောဟုလည်း ဆိုနိုင်ပေသည်။

(၂)

ယခုအချိန်ကာလသည် ၂ဝ၁၆ ခုနှစ်၊ ဧပြီလ ၁ ရက်နေ့မှ စတင်ခဲ့သော နိုင်ငံတော်၏  အ တိုင်ပင်ခံပုဂ္ဂိုလ် ဒေါ်အောင်ဆန်းစု ကြည် ခေါင်းဆောင်သည့် အစိုးရ အဖွဲ့သစ်အဖို့ နေရာဌာနများစွာတို့ တွင် မြေစမ်းခရမ်းပျိုးလျက် ရုန်း ကန်လှုပ်ရှားနေရသည့် အခြေအ နေသို့ ရောက်နေပေသည်။

အစိုးရအဖွဲ့သစ်သည် နှစ် ပေါင်း ၅ဝ ကျော် အာဏာရှင်တို့ အဆက်ဆက်အောက်တွင် ပျက်စီး ပြိုကွဲခဲ့သည့် ပြည်ထောင် စု မြန်မာ နိုင်ငံ ကို တစ်စစီတစ်စစီ လိုက် ကောက်နေရသည့် အခြေအနေသို့ ရောက်နေသည်။

တစ်ဖက်ကလည်း အစိုးရအဖွဲ့ ၏ လုပ်ငန်းဆောင်တာများ ဖရိုဖရဲ ပျက်စီးသွားစေရန် အကြံအဖန် လုပ်ကာ လူအများ ထိတ်လန့် သွား စေနိုင်ရန် M-150 ဗုံးများဖြင့် ဖောက်ခွဲနှောင့်ယှက်သည့် အခြေ အနေမျိုးကိုလည်း ကြုံနေရသည်။ ထိုဗုံးခွဲမှုမှာ ဖောက်ခွဲသူ တရားခံ အချို့ကို ဖမ်းမိပြီးသည့်နောက်၌ မည်သည့်အဖွဲ့အစည်းက လုပ် ဆောင်နေသည်ကို သိရှိရပြီး ရပ် ဆိုင်းသွားခဲ့သည်။ ၂ဝ၁၆ အောက် တိုဘာ ၉ ရက်နေ့က ဖြစ်ပေါ်ခဲ့ သည့် ရခိုင်ပြည်နယ်မှ လက်နက် ကိုင်ဆူပူ၊ အကြမ်းဖက်တိုက်ခိုက်မှု သည် ''စိန်ကောင်း၊ ကျောက် ကောင်းရောင်းဝယ်ရာတွင် ဆေးရိုးသည်က ကန့်လန့်၊ ကန့်လန့်ဆိုသလို ဒီမိုကရေစီ နိုင်ငံ တစ်ထူထောင် နေရာ ၌ တုံ့ဆိုင်းသွားစေရန် ဖန် တီးလာသည့်နှယ်ဖြစ်တော့သည်။

ထိုအတွင်း၌ ရှမ်းပြည်နယ် တွင်ဖြစ်ပေါ်ခဲ့သည့် အကြမ်းဖက် အင်အားစုအဖွဲ့ကြီးသုံးဖွဲ့တို့၏ မမျှော်လင့်ဘဲ ပေါ်ပေါက်လာသော တိုက်ခိုက်မှုများသည်၂၁ ရာစု ပင် လုံညီလာခံ ငြိမ်းချမ်းရေးလုပ်ငန်း များကို ကြိုးပမ်းဆွေးနွေးအကောင် အထည်ဖော်နေရာ၌ များစွာစိတ် အနှောင့်အယှက်ဖြစ်ဖွယ်ရာကြုံခဲ့ သည်ကို ငြင်းရန်မရှိပေ။

တစ်ခုပြောစရာရှိသည်ကား လက်ရှိမြန်မာနိုင်ငံ ချီတက်နေ သော ဒီမိုကရေစီခရီးသည် မည် သို့ပင်အနှောင့်အယှက်၊ အဖျက် အဆီး အဟန့်အတားကြုံခဲ့ပါစေ၊ ပြည်သူလူထု၏ ကြံ့ခိုင်သော စိတ် ဓာတ်ဖြင့် ခိုင်ခိုင်မတ်မတ်ရပ် လျက် ချီတက်မည်ဆိုလျှင် ဒီမိုက ရေစီ နိုင်ငံတော်သစ်သို့ မုချမသွေ အမြန်ဆုံး ရောက်ရှိရမည်ဖြစ်ပေ သည်။ ဤနေရာတွင် ပြောချင် သည်မှာ ၁၉၄၇ ခုနှစ်၊ ဇန်နဝါရီလ ၁ ရက်နေ့တွင် ဗြိတိန်နိုင်ငံ၊ လန် ဒန်မြို့သို့ မြန်မာ့လွတ်လပ်ရေး ဗိသုကာ ဗိုလ်ချုပ်အောင်ဆန်း လွတ်လပ်ရေးဆွေးနွေးပွဲ ခရီးသွား ရောက်မည့် ဆဲဆဲတွင် ရန်ကုန်မြို့၊ မင်္ဂလာဒုံ လေဆိပ်တွင် ပြောကြား ခဲ့သည့် သမိုင်းဝင် စကားတစ်ခွန်း ပင် ဖြစ်ပေ သည်။

(၃)

၁၉၄၆ ခုနှစ်၊ ဒီဇင်ဘာလ တွင် ဗြိတိန်နိုင်ငံ၊ လန်ဒန်မြို့ နန်း ရင်းဝန်မစ္စတာ အက်တလီထံမှ မြန်မာ့လွတ်လပ်ရေးအတွက် ဆွေး နွေး ရန် မြန်မာနိုင်ငံ ဘုရင်ခံ ကောင်စီဒုတိယဥက္ကဋ္ဌ ဗိုလ်ချုပ် အောင်ဆန်းခေါင်းဆောင်သော အဖွဲ့ကို လန်ဒန်မြို့သို့ လာရောက် ပါရန်ဖိတ်ကြားခဲ့သည်။ ထိုအချိန် ထိုကာလက မြန်မာနိုင်ငံ လူထု တစ်ရပ်လုံးသည် ဖဆပလ ဥက္ကဋ္ဌ ဗိုလ်ချုပ်အောင်ဆန်း ဦးဆောင် သည့် နောက်တွင် မားမားမတ်မတ် ရပ်လျက်ရှိသည်။ ပြည်သူလူထု၏ နှလုံးသားထဲတွင် ''လွတ်လပ်ရေး သည် ပထမ၊ လွတ်လပ်ရေးသည်  ဒုတိယ လွတ်လပ်ရေးသည် အ စစ''ဟူ၍ သဘောပိုက်ထားပြီး ဖြစ်သည်။ လွတ်လပ်ရေးဆိုသည် မှ ထပ်၍ ဖြည့်စွက်ပြောလိုက်ပါ ဦးမည်။ ''လုံးဝလွတ်လပ်ရေး''ဟူ ၍ ဖြစ်သည်။

ဗြိတိသျှ အစိုးရက စကား ကမ်းလှမ်းနေသော ဒိုမီနီယံခေါ် ဗြိတိသျှ အစိုးရ၏ အုပ်ချုပ်ကွပ် ကဲမှု တစ်ပိုင်းတစ်စပါသည့် လွတ် လပ်ရေးမျိုးမဟုတ်။ ထိုအချိန်ထို ကာလက ဖဆပလအဖွဲ့ချုပ် အင် အားကြီးမားနေသော်လည်း ''စော၊ စိန်၊ မော်''ဟူသော ဂဠုန်ဦးစော၊ သခင်ဗစိန်၊ ဒေါက်တာဘမော်တို့ ပါဝင်နေကြသည့် နိုင်ငံရေး အင် အားစု တစ်ရပ်သည် ဗိုလ်ချုပ် အောင်ဆန်း ဦးဆောင်တိုက်ပွဲဝင် ပြီး မြန်မာ့လွတ်လပ်ရေးရရှိမည်ကို လုံးဝမလိုလားကြပေ။ ထိုခေါင်း ဆောင်များသည် ဖဆပလ အဖွဲ့ ချုပ်ကြီး၏ ဦးဆောင်မှုဖြင့် မြန်မာ့ လွတ်လပ်ရေးရရှိသွားမည်ကို မလို လား၊ မနှစ်သက်ကြဘဲ အဖျက် အမှောင့်  ပယောဂများ ပူးကပ်နေ ကြသည်။

ဗြိတိသျှ အစိုးရအနေဖြင့် လည်း ခရစ် ၁၈၂၄ အင်္ဂလိပ်-မြန် မာပထမစစ်ပွဲ၊ ၁၈၅၂ ခုနှစ် အင်္ဂလိပ်-မြန်မာ ဒုတိယစစ်ပွဲ၊ ၁၈၈၅  ခုနှစ် အင်္ဂလိပ်-မြန်မာ တတိယစစ်ပွဲများအပြီးတွင် မြန်မာ တစ်နိုင်ငံလုံးရှိ ကျွန်းသစ်၊ ရေနံ၊ ဓာတ်သတ္တု အပါအဝင် သယံဇာ တပစ္စည်းအားလုံးကို ဆက်လက်၍ သွေးစုပ်နေလိုသည်ဖြစ်သော ကြောင့် မြန်မာနိုင်ငံကို လွတ်လပ် ရေးပေးရာ၌ နည်း အမျိုးမျိုးဖြင့် ဈေးဆစ် ရန် ကြံစည်နေပေသည်။

ထိုအချိန် ထိုအခါမျိုးတွင် ဗိုလ်ချုပ်အောင်ဆန်းဦးဆောင် သော မြန်မာ့လွတ်လပ်ရေး ကိုယ် စားလှယ်အဖွဲ့ ဗြိတိန်နိုင်ငံ၊ လန်ဒန် မြို့သို့ သွားရောက်ရမည်ဖြစ်ကာ ဗိုလ်ချုပ်အောင်ဆန်းအနေဖြင့် မိမိ ၏ ပြည်သူလူထုအား ထင်ရှား သည့် အမှာစကားပြောရန် လိုအပ် နေပေသည်။

မြန်မာပြည်သူလူထု အနေဖြင့် လည်း ဗြိတိသျှအစိုးရသည် နှစ် ပေါင်းများစွာ တိုင်းပြည်ကို ကျွန် ပြုလိုသော စိတ်ဖြင့် အုပ်စိုးခဲ့သည့် ဗြိတိသျှအစိုးရအား စိတ်ချယုံ ကြည်မထားနိုင်သည့် အခြေအနေ ဖြစ်ပေသည်။

ထိုအခြေအနေ ထိုအချိန်အ ခါ၌ ဖဆပလ ဥက္ကဋ္ဌ ဗိုလ်ချုပ် အောင်ဆန်းသည် ရန်ကုန်မြို့၊ မင်္ဂလာဒုံ လေဆိပ်တွင် မိမိအား လိုက်လံပို့ဆောင် နှုတ်ဆက်နေကြ သော ဖဆပလ အဖွဲ့ချုပ်ခေါင်း ဆောင်များ၊ ပြည်သူ့ ရဲဘော် အဖွဲ့ ချုပ်ခေါင်းဆောင်များ၊ ပြည်သူ လူထုအဖွဲ့အစည်းခေါင်းဆောင် များတို့နှင့် နိုင်ငံခြားသတင်း ထောက်များရှေ့တွင် ပြတ်သား သောစကားတစ်ခွန်းကို ဤသို့ ပြော ဆိုခဲ့သည်။

''ရဲဘော်တို့ အကောင်းဆုံးကို မျှော်လင့်ကြ၊ အဆိုးဆုံးအတွက် ပြင်ဆင်ထားကြ''

Hope for The Best and Expect the Worst.

ဗိုလ်ချုပ်အောင်ဆန်းသည် ထင်ရှားပြတ်သားသော အထက်ပါ စကားကို ပြောဆိုပြီး လေယာဉ်ပျံ ပေါ်သို့ တက်သွားလေသည်။

(၄)

ဗိုလ်ချုပ်အောင်ဆန်းပြော ဆိုသွားသည့် မိန့်မှာချက်ကားများ စွာ အဓိပ္ပာယ်ရှိခဲ့သည်။ ဗိုလ်ချုပ် အောင်ဆန်းသည် ဗြိတိန်နိုင်ငံ၊ လန်ဒန်မြို့တွင် ဗြိတိသျှ နန်းရင်း ဝန် မစ္စတာအက်တလီနှင့် ၁၉၄၇ ခုနှစ်၊ ဇန်နဝါရီလ ၁၃ ရက်နေ့မှ ဇန်နဝါရီလ ၂၆ ရက်နေ့အထိ မြန်မာနိုင်ငံအား လုံးဝလွတ်လပ် သော နိုင်ငံတော်အဖြစ် ကမ္ဘာသို့ ကြေညာနိုင်ရန် အောင်ဆန်း-အက်တလီ စာချုပ်ကြီး ကို ချုပ်ဆို အောင်မြင်ခဲ့သည်။

ယင်းစာချုပ်ကြီး၏ အကျိုးဆက်ဖြင့် ၁၉၄၈ ခုနှစ်၊ ဇန်နဝါရီလ ၄ ရက်နေ့တွင် ပြည်ထောင်စု မြန်မာနိုင်ငံတော် ၏ လွတ်လပ်ရေးကြီးကို ကမ္ဘာသို့ ကြေညာနိုင်ခဲ့ခြင်းဖြစ်သည်။

ရန်ကုန်မြို့ မင်္ဂလာဒုံ လေ ဆိပ်တွင် ဗိုလ်ချုပ်အောင်ဆန်း ပြောခဲ့သော မော်ကွန်းတင်စကား ထဲမှ အဆိုးဆုံးကို မျှော်လင့်ကြ ဆိုသောအချက်မှာ အဓိပ္ပာယ်မဲ့စွာ ပြောဆိုခြင်း မဟုတ်ပေ။

 မြန်မာနိုင်ငံတွင် ကျန်ရစ်ခဲ့ သည့် ဖဆပလ ဒုတိယ ဥက္ကဋ္ဌ သခင်နုခေါင်းဆောင်သော လူထု လူတန်းစား၊ အလုပ်သမား၊ လယ် သမား၊ ကျောင်းသားနှင့် အစိုးရ အ မှုထမ်း အဖွဲ့အစည်းပေါင်းစုံတို့ သည် ဗြိတိန်နိုင်ငံ၌ ဗိုလ်ချုပ် အောင်ဆန်း ဦးဆောင်ဆွေးနွေး လျက်ရှိသော မြန်မာ့လွတ်လပ်ရေး ဆွေးနွေးပွဲတွင်  မည်သည့်သတင်း များ ကြားရမည်ကို နားစွင့်လျက် ရှိကြ၏။

အကယ်၍သာ လွတ်လပ်ရေး ဆွေးနွေးပွဲများ မအောင်မြင်ဘူးဆိုပါက မြန်မာနိုင်ငံတွင် ကျန်ရစ်ခဲ့ သော သခင်နုခေါင်းဆောင် သည့် ပြည်သူလူထုကြီးတစ်ရပ်လုံးသည် ဗြိတိသျှအစိုးရကို ဆန့်ကျင်ဆန္ဒ ပြရန် လုပ်ငန်းအဆင့်ဆင့်ကို စီမံ ရေးဆွဲပြီးသား ရှိနေကြပေသည်။ သို့သော် ထိုအချိန်ထိုကာလက ဗိုလ်ချုပ်အောင်ဆန်းခေါင်းဆောင် ၍ လန်ဒန်မြို့သို့ သွားရောက်ခဲ့ သည့် မြန်မာ့ လွတ်လပ်ရေး ဆွေး နွေးပွဲအဖွဲ့ဝင်များသည် အောင် ဆန်း-အက်တလီစာချုပ်ကြီးကို ချုပ်ဆိုကာ မြန်မာနိုင်ငံသို့ ပြန်လာ ခဲ့ကြလေ သည်။

(၅)

ယနေ့အချိန်အခါသည် ပြည် ထောင်စု မြန်မာနိုင်ငံတော်၏ နေအရုဏ်တက်ချိန် ဖြစ်ပေသည်။ အာဏာရှင်ခေတ် နှစ် ၅ဝ ကို ကျော် လွန် ခဲ့ ပြီးနောက် မြန်မာနိုင်ငံ တော်၏ ဒီမိုကရေစီ ခရီးသည် ရှေ့သို့ မှန်မှန်ကြီး ချီတက်လျက်ရှိ ပေသည်။

 မြန်မာ့ ဒီမိုကရေစီ ခရီး အတွက် အခက်အခဲများ မည်သို့ ပင် ကြုံတွေ့နေဆဲဖြစ်စေကာမူ ထူးချွန်ပြောင်မြောက် သည့် နိုင်ငံ တော်၏အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ဦးဆောင် ချီတက်နေသော ဒီမိုကရေစီ ခရီး မှာ အောင်ပွဲဆက်ဆက် မလွဲမသွေ ခံယူရမည်ဆိုသည်ကို ပြည်သူများက ယုံကြည်အားထား၊ မျှော်လင့် လျက်ရှိပေသည်။ အမျိုးသား ပြန် လည် ရင်ကြားစေ့ရေး၊ ၂၁ ရာစုပင် လုံ ညီလာခံ ငြိမ်းချမ်းရေးဆောင် ရွက်မှုများအောင်မြင်ရေးအတွက် ၂ဝ၁၇ ခုနှစ်သည် အရေး ကြီးသော နှစ်ဖြစ်ပေသည်။

၂ဝ၁၇ ခုနှစ် အတွင်းတွင် ပြည်ထောင်စု မြန်မာ နိုင်ငံသည် ရည်မှန်း၊ မျှော်လင့် လျက်ရှိသည့် ပြည်တွင်းစစ် ရပ်စဲရေးနှင့် ငြိမ်း ချမ်းရေးလုပ်ငန်းများ မုချမသွေ အောင်မြင်ရမည်ဆိုခြင်းကို အထူး သတိထား၍ ဆောင်ရွက်ကြ။ ၂ဝ၁၇ ခုနှစ်သည် ပြည်သူ များ အောင်ပွဲ ခံ မည့် နှစ်ဖြစ်သည်ကို သတိပြုကြ။ အထူးသတိပြုကြ။ အထူးသတိပြုကြ။

တက္ကသိုလ် စိန်တင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.