29-6-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
ရခိုင်ကမ်းရိုးတန်းတွင် ငါးဖမ်းဆီးရရှိမှုနည်းပါးလာသည့်အတွက် ငါးဖမ်းကိရိယာများ ပြောင်းလဲသုံးစွဲလာကြ
This Week’s COVER
ဂျာနယ် အမှတ်စဉ် .... 1017
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
သူတို့ ဘ၀မှတ်တမ်း
၆၉ နှစ်မြောက် လွတ်လပ်ရေးနေ့အကြို ဂုဏ်ပြုဆောင်းပါး ဗိုလ်ချုပ်ပြောတဲ့ လွတ်လပ်ရေး မိန့်ခွန်းကို မြန်မာတွေ ဘယ်လောက်လေးစားလိုက်နာခဲ့ကြသလဲ

(၁)
    မြန်မာ့လွတ်လပ်ရေးကြီး ကမ္ဘာသို့ ကြေညာခဲ့သည်မှာ ယခုလာမည့် ၂ဝ၁၇ ခုနှစ် ဇန်နဝါရီ ၄ ရက်နေ့တွင် (၆၉) နှစ် တင်း တင်းပြည့်ခဲ့ပြီ။ ဤနှစ်ကာလ ဤမျှကြာမြင့်ခဲ့သော မြန်မာ့လွတ်လပ်ရေး ခရီးတာတွင် မြန်မာနိုင်ငံကြီး၏ အခြေအနေ အရပ်ရပ်၊ နိုင်ငံရေး၊ စီးပွားရေး၊ လူမှုရေး၊ ဘာသာရေး၊ ပညာရေး အခြေအနေတို့သည် မည်မျှတိုးတက်ခဲ့ ပါသနည်း။ ဤကဲ့သို့  မေးခွန်းထုတ် ဖြေဆိုရန် အကြောင်းအချက် ကောင်းကောင်း ထွက်လာနိုင်ပါ့မည်လား။
    နယ်ချဲ့ဗြိတိသျှ လက်အောက်မှာ ကျွန်သဘောက်ဖြစ်နေသော မြန်မာနိုင်ငံကို လွတ်မြောက်အောင် အသက်ပေး၍ စွန့်စား တိုက်ခိုက်ခဲ့သော ကျေးဇူးရှင်ကြီး ဗိုလ်ချုပ်အောင်ဆန်းသည် သူမျှော် ရည်မှန်းဆသော လွတ်လပ်သည့် မြန်မာနိုင်ငံတော်ကြီး ဖြစ်လာ စေရန် သူမကျဆုံးမီ ရက်သတ္တတစ်ပတ် အလို ၁၃-၇-၁၉၄၇ နေ့တွင် ထူးခြားသည့် မိန့်ခွန်းတစ်ရပ်ကို ပြောကြားခဲ့၏။ ရန်ကုန်မြို့ မြို့တော်ခန်းမရှေ့သို့ ရောက်ရှိနေသော သိန်းချီကာ ကြက်ပျံမကျ စည်ကားနေသည့် ပြည်သူလူထုကြီးအား မကြာမီလက်ခံရတော့မည့် မြန်မာ့ လွတ်လပ်ရေးကြီးအတွက် (၃) နာရီကြာသော မိန့်ခွန်းရှည်ကြီး ပြောကြားခဲ့ခြင်း ဖြစ်သည်။
    အဆိုပါ ဗိုလ်ချုပ်မိန့်ခွန်းတွင် ပါရှိသော မြန်မာ့လွတ်လပ်ရေးနှင့် ပတ်သက်သည့် မိန့်ခွန်း ကောက် နုတ်ချက်ကို ၆၉ နှစ်မြောက်၊ မြန်မာ့လွတ်လပ်ရေးနှစ်ပတ်လည် ချိန်ခါ၌ ပြန်လည်ကာ လေ့လာ ဆန်းစစ် အနှစ်သာရ ရှာကြည့်ကြ ပါစို့။
(၂)
    ''လွတ်လပ်ရေးဆိုလို့ ခင်ဗျားတို့ကို ကျွန်တော်ပြောမယ်။ လွတ်လပ်ရေးဆိုတိုင်း ပဒေသာပင်မြေက မပေါက်နိုင်ဘူးဆိုတာ ခင်ဗျား တို့ကို ကျွန်တော်ရှင်းခဲ့ချင်တယ်။ ဘာဖြစ်လို့လဲ ဆိုလို့ရှိရင် ခင်ဗျားတို့ စိတ်ထဲမှာ လွတ်လပ်ရေးရတော့မယ်ဆိုလို့ရှိရင် စိတ်ကူးက ဘယ်လိုစိတ်ကူးကြသလဲဆိုတော့ ပဒေသာပင်ကြီး ချက်ချင်း၊ နေ့ချင်း၊ ညချင်းပေါက်တော့မယ်လို့ ခင်ဗျား တို့ထင်တဲ့ လူတွေများကြတယ်။ တချို့က လွတ်လပ်ရေးရပြီဆိုပြီး တော့ ဘာလုပ်ချင်ကြသလဲဆို တော့ ကျွန်တော် အရင်တစ်ခါတုန်း က တွေ့ခဲ့တယ်။ ဂျပန်ခေတ်တုန်းက ဗမာ့လွတ်လပ်ရေး၊ ဘုရားစူး စေ့ဗမာ့လွတ်လပ်ရေး။ အဲဒီတုန်းက လွတ်လပ်ရေးရပြီဆိုပြီးတော့ ကာ ဟင်္သာတနယ်ထဲမှာ ကျွန်တော် တွေ့ခဲ့တယ်။ ဘာတွေ့သလဲ ဆိုရင် လမ်းပေါ်မှာ ဆေးလှန်းတယ်။ ဟာ- လွတ်လပ်ရေးရပြီဆို ပြီးတော့ လူတကာသွားတဲ့ လမ်းပေါ်မှာ ထွက်ပြီး ဆေးရွက်ကြီးလှန်းတယ်။ အဲဒီတော့  လမ်းသွားလမ်း လာလုပ်တဲ့ သူတွေ၊ အတော်ခွကျ တယ်။ အဲဒါဟာ လွတ်လပ်ရေး မဟုတ်ဘူး။ လွတ်လပ်ရေးဆိုတဲ့ အဓိပ္ပာယ်က ဘာလဲ။ လွတ်လပ် ရေးဆိုတာက ကိုယ်တစ်ဦးတစ် ယောက် ကောင်းစားဖို့ဖြစ်စေ၊ တစ်မျိုးလုံးကောင်းစားဖို့ဖြစ်စေ၊ လုပ်တဲ့နေရာမှာ အခြားတစ်ဦး တစ်ယောက် အကျိုးကို မထိခိုက်ဘဲနဲ့ အခြားလူတွေရဲ့ အကျိုးကို မထိခိုက်ဘဲနဲ့ လွတ်လွတ်လပ်လပ် ကိုယ့်တိုးတက်မှုအတွက် လုပ်နိုင် တာဟာ လွတ်လပ်ရေးပဲ။
    ဥပမာ- ခင်ဗျားတို့ စီးပွားရေး ဖြစ်ထွန်းအောင် လုပ်တဲ့နေရာမှာ သူတစ်ပါးကို အနှောင့်အယှက်မရှိ စေရဘူး။ အခြားလူတွေရဲ့ အကျိုး ကို မထိခိုက်လို့ရှိရင် အနှောင့်အ ယှက်မရှိစေဘူး။ တိုင်းပြည်တစ် ပြည်လုံးရဲ့ အကျိုးကို မထိခိုက်စေ ရဘူး။ တခြားလူတွေရဲ့ အကျိုးကို မထိခိုက်စေရဘူးဆိုရင် ခင်ဗျားတို့ လွတ်လွတ်လပ်လပ်လုပ်နိုင်တဲ့  အခြေအနေရှိရမယ်။ သို့သော်လည်း တခြားနိုင်ငံရဲ့ လွတ်လပ်ရေးကို သွားနှောင့်ယှက်တဲ့ လွတ်လပ်ရေးဟာ လွတ်လပ်ရေးမဟုတ်ဘူး။ ဒါဟာ ဘာလဲဆိုရင် Licence ခေါ်တယ်။ ဒါဟာ ရမ်းကားမှုသာ ဖြစ်တယ်။"

(၃)
    မြန်မာလွတ်လပ်ရေး ဗိသု ကာကြီး ဗိုလ်ချုပ်အောင်ဆန်းက လွတ်လပ်ရေး၏ အဓိပ္ပာယ်ကို အကျယ်တဝင့် ထိုသို့ ရှင်းလင်းမိန့် ကြားပြီးနောက် လွတ်လပ်သည့် လူမျိုးများ စောင့်စည်းအပ်သည့် အကြောင်းအလုပ်များကို ပြတ်သားစွာ ဆက်လက်၍ ပြောဆို ခဲ့သည်။
(၄)
    ''ဒီတော့ လွတ်လပ်ရေးဆိုတဲ့ အဓိပ္ပာယ်ဟာ စည်းမဲ့ကမ်းမဲ့ သဘောမျိုးမဟုတ်ဘူး။ စည်းနဲ့ကမ်းနဲ့ သဘောမျိုးသာ ဖြစ်တယ်။ စည်းနဲ့ကမ်းနဲ့ ရှိမှသာလျှင် လွတ်လပ်ရေးဆိုတာ ဖြစ်နိုင်တယ်။ အဲဒီတော့ လွတ်လပ်ရေးကို ကျွန်တော် တို့ရလျှင် နားလည်ရမှာက ငါတို့ တိုင်းပြည်ဟာ စည်းကမ်းရှိဖို့လိုတယ်။ ငါတို့တိုင်းပြည်က လွတ်လပ်ရေးရအောင် စည်းကမ်းရှိရှိ လုပ်ဖို့ လိုတယ်။ အဲဒီလို စည်းနဲ့ ကမ်းနဲ့ အလုပ်လုပ်ကြမှ လွတ် လပ်ရေးဆိုတာ တကယ်ရမယ်''
    လွတ်လပ်ရေးရတဲ့အခါမှာ  လွတ်လပ်မှု အခွင့်အရေးတွေရမယ်။ လွတ်လပ်ရေးရတဲ့အခါမှာ ခင်ဗျားတို့ အခွင့်အရေးတွေပိုရ လာတာလည်းရှိမယ်။ အခွင့်အရေး ပိုလာသလို၊ တာဝန်တွေလည်း ပို လာလိမ့်မယ်။
    ဒီတော့ကာ ခင်ဗျားတို့ လွတ်လပ်ရေးကို လိုချင်ရင် လွတ်လပ် ရေးရနိုင်လောက်တဲ့ စည်းကမ်းရှိ ကြပါ။ လွတ်လပ်ရေးကို လိုချင်ရင် လွတ်လပ်ရေးရနိုင်တဲ့ ညီညွတ်မှုကို ထိန်းသိမ်းထားပါ။ လွတ်လပ် ရေးကို လိုချင်ရင် လွတ်လပ်ရေး ရနိုင်တဲ့ ထူထောင်မှုကို လုပ်ကြပါ။ လွတ်လပ်ရေးအရသာ ခံစားချင် တယ်ဆိုရင် အလုပ်လုပ်ကြဖို့၊ စည်းကမ်းရှိကြဖို့၊ ယခုကတည်းက ခင်ဗျားတို့ ကိုယ်ကို အကျင့်ဆိုး တွေ၊ အကျင့်ဟောင်းတွေ၊ သောက် ကျင့်တွေကို ပြင်ဖို့လိုပြီဆိုတာက နေ့ ကျွန်တော်ပြောခဲ့ချင်တယ်။
(၄)
    မြန်မာ့လွတ်လပ်ရေးကြီး မရ သေးမီ ဗိုလ်ချုပ်အောင်ဆန်းက သူ့ မြန်မာနိုင်ငံသားများကို စိတ်ပူပူနှင့် သောကပွားကာ မှာကြားခဲ့ရှာသော စကားစုများပင်ဖြစ်သည်။
    ယခုအခါ နှစ် ၅ဝ ကြာ စစ်အာဏာရှင် သံနောင့်အောက် အောက်က လွတ်မြောက်ခါစ ပြည်ထောင်စု မြန်မာနိုင်ငံတော်၌ ဒီမိုကရေစီလမ်းစဉ်ကို ဗိုလ်ချုပ် သမီး ဒေါ်အောင်ဆန်းစုကြည်က ခက်ခဲစွာအမှိုက်ရှင်း၊ အရိုးထွင်၊ ပြည်သူလူထု အင်အားကြီးမားစွာ ထောက်ခံမှုကို ရယူလျက် ဆောင်ရွက်နေ၏။ သို့သော် ဗိုလ်ချုပ်၏ သားများဖြစ်သော စစ်ဗိုလ်တွေ ၁၉၆၂ ခုနှစ်က နိုင်ငံတော် အာဏာတက်သိမ်း၊ တိုင်းပြည်ကြီး ပျက်စီး၊ ပြည်သူတွေ ချွတ်ခြုံကျမွဲ၊ ကမ္ဘာ့အဆင်းရဲဆုံးနိုင်ငံရောက်ခဲ့ပြီ ဗိုလ်ချုပ်ရေဟု ငိုယိုကာ ပြောချင် တော့၏။

တက္ကသိုလ်စိန်တင်
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.