19-10-2017
HOME
ABOUT US
CONTACT US
  Untitled Document
Categories
Untitled Document
Untitled Document
ဒေသတွင်း သတင်းစုံ
စက်တင်ဘာလမှ ဒီဇင်ဘာလအထိ ၄ လတာ ကာလအတွင်း နိုင်ငံတကာ ခရီးသွားဧည့်သည် တစ်သန်းကျော် လာရောက်လည်ပတ်ရန် ခန့်မှန်းထား
This Week’s COVER
ဂျာနယ် အမှတ်စဉ် .... 1033
အိမ်ခြံမြေ ကြော်ငြာများ
Market Data
အာရှငွေကြေး အခြေအနေ
 USD   EUR 
USD 1 1.209
EUR 0.826

1 

JPY 105.93  128.091
SGD 1.691 2.044
THB 39.56 47.836
Advertising
 
ပြည်တွင်း စီးပွား
လာအိုမှ တရုတ်ငှက်ပျောခြံများ မြန်မာဘက်သို့ ပြောင်းလာနိုင်သလား

၂ဝ၁၄ ခုနှစ်ကတည်းက လာအို နိုင်ငံ၏ မြောက်ပိုင်းတွင်ရှိသည့် သူတို့ ၏ ငြိမ်းချမ်းသောရွာလေးသို့ တရုတ်နိုင်ငံမှ ငှက်ပျောခြံရင်းနှီးမြှုပ်နှံသူများ ရောက်ရှိလာသဖြင့် ရွာသူရွာသားများ ငွေရွှင်လာကြသည်ဟု ထိုရွာ၏ အ ကြီးအကဲဖြစ်သူ ကောင်ကူးက ရိုက်တာသတင်းထောက်အားပြောပြပါသည်။ တရုတ်လုပ်ငန်းရှင်များက တစ်နှစ်လျှင်မြေတစ်ဟက်တာကို အမေရိကန် ဒေါ်လာ ၇၂ဝ နှင့်ငှားရမ်းလုပ်ကိုင်ခဲ့သည်ဟုဆိုပါသည်။ နှစ်ရှည်လုပ်ရန်လည်း အာမခံကြ သည်။

 

ကုန်သယ်ယူပို့ဆောင်ရန် လွယ်ကူသည့် မြစ်ချောင်းအနီးရှိ မြေကွက် များ၏ ငှားရမ်းခမှာ အနည်းဆုံး နှစ်ဆပိုရရှိသည်။ လွန်ခဲ့သည့်သုံးနှစ်အတွင်း တရုတ်ငှက်ပျောခြံလုပ်ငန်းများဖွံ့ဖြိုးကြီးထွားလာခဲ့ကြသည်။ ကျွမ်း ကျင်သူများက တရုတ်ရင်းနှီးမြှုပ်နှံသူ များသည် လာအိုမြောက်ပိုင်းဒေသကို အလုပ်အကိုင်များနှင့်မြင့်မားသည့် လုပ်ခလစာများယူဆောင်လာသလို ငှက်ပျောစိုက်ခင်းများတွင် ပိုးသတ်ဆေးများ၊ ဓာတ်မြေသြဇာများနှင့် တခြားစိုက်ပျိုးရေးဆိုင်ရာ ဓာတုဆေးများကို အများအပြားအသုံးပြုခဲ့ကြ သည်ဟု ထောက်ပြကြပါသည်။ ထို့ကြောင့် အစိုးရထောက်ပံ့ထားသော သုတေသနလုပ်ငန်းတစ်ခု၏ အစီရင်ခံစာအရ လာအိုနိုင်ငံအစိုးရသည် ယခုကဲ့သို့ ငှက်ပျောစိုက်ပျိုးထုတ်လုပ်သည့်လုပ်ငန်းများတွင် ဓာတုဗေဒ ပစ္စည်းများ အမြောက်အမြား အသုံးပြုလာသောကြောင့် အလုပ်သမား များ ဖျားနာခြင်းနှင့် ရေထုညစ်ညမ်းစေမှုများဖြစ်ပွားစေသဖြင့် ငှက်ပျော စိုက်ပျိုးရေးလုပ်ငန်းသစ်များကို ခွင့်မပြုတော့ဘဲ ပိတ်ပင်ထားခဲ့သည်ဟု သိရသည်။

 

ရွာအကြီးအကဲတစ်ဦးဖြစ်သူ ကောင်းကူးက''တရုတ်တွေ ယခုလို လာရောက်ရင်းနှီးမြှုပ်နှံတဲ့အတွက် ကျွန်တော်တို့ရဲ့ဘဝဟာ ပိုပြီးအခြေ အနေကောင်းလာပါတယ်။ ကောင်းကောင်းစားသုံးနိုင်တယ်။ ကောင်း ကောင်းနေထိုင်နိုင်လာကြပါတယ်။ ဒါပေမယ့်ကျွန်တော်တို့ရဲ့ အနီးတစ် ဝိုက်က မြစ်ချောင်းတွေထဲ ငါးဖမ်းလို့မရတော့ဘူး။ ဘာဖြစ်လို့လဲဆိုတော့ အနီးမှာရှိတဲ့ ငှက်ပျောစိုက်ခင်းတွေက အသုံးပြုတဲ့ ပိုးသတ်ဆေးနဲ့ ဓာတု ဗေဒ ဓာတ်မြေသြဇာတွေကြောင့် ရေထုညစ်ညမ်းပြီး အသက်အန္တရာယ်ရှိ တာကြောင့် ဖြစ်ပါတယ်''ဟု ပြောပါ သည်။

 

တရုတ်ငှက်ပျောခြံပိုင်ရှင်တစ်ဦးဖြစ်သော ဝါယာချန်းကတော့ ''ငှက်ပျောခြံတစ်ခုကို လုပ်ကိုင်မယ်ဆိုရင် ဓာတ်မြေသြဇာနဲ့ ပိုးသတ် ဆေးတွေကို အသုံးပြုဖို့လိုကိုလိုအပ်ပါတယ်။ ဒီလိုသာ အသုံးပြုခွင့်မရရင် ဒီဒေသဟာ တောင်တန်းသက်သက်နဲ့ပဲ နေသွားရဖို့ရှိတယ်''ဟု ဆိုပါသည်။

 

တရုတ်နိုင်ငံသည် လာအိုနိုင်ငံတွင် အကြီးမားဆုံးနိုင်ငံခြားရင်းနှီးမြှုပ် နှံသည့် နိုင်ငံဖြစ်လာသည်။ လူဦးရေ ၆ ဒသမ ၅ သန်းရှိသော ကုန်းတွင်း ပိတ်နိုင်ငံတစ်ခုဖြစ်သည့် လာအိုနိုင်ငံ တွင် အမေရိကန်ဒေါ်လာ ၆ ဒသမ၇ ဘီလီယံတန်ဖိုးရှိလုပ်ငန်း စီမံကိန်း ပေါင်း ၇၆ဝ ကျော်တွင် ရင်းနှီးမြှုပ်နှံ ပြီး လုပ်ကိုင်နေသည်ဟု တရုတ်အစိုး ရ မီဒီယာတွင် ဖော်ပြထားပါသည်။

 

လာအိုပြည်သူများ၏ အဆိုအရ တရုတ်ငှက်ပျောခြံရင်းနှီးမြှုပ်နှံသူ များသည် လာအိုနိုင်ငံနယ်စပ်ကိုဖြတ်ကျော်ကာ ၂ဝ၁ဝ ခုနစ်ကတည်းက လာရောက်လုပ်ကိုင်နေခဲ့ကြသည်ဟုပြောပါသည်။ တရုတ်နိုင်ငံတွင် စိုက်ပျိုးမြေများ ရှားပါးလာသဖြင့် လာအိုနိုင်ငံမြောက်ပိုင်း လူဦးရေ နည်းပါးပြီး အငယ်ဆုံးပြည်နယ်ဖြစ်သော ဘိုကီအိုပြည်နယ်သို့ စိမ့်ဝင် လာကာ ငှက်ပျောခြံလုပ်ငန်းများကိုလုပ်ကိုင်လာခဲ့ကြသည်ဟုဆိုသည်။ ယင်းနောက်ပိုင်း လာအိုနိုင်ငံ၏ ငှက်ပျောပို့ကုန်သည်ဆယ်ဆအထိ မြင့် တက်လာခဲ့ပြီး ထွက်ရှိသမျှ ငှက်ပျော အားလုံးကိုလည်း တရုတ်နိုင်ငံသို့ တင် ပို့ခဲ့ပါသည်။

 

ငှက်ပျောသီးဆွတ်ခူးသည့် ရာသီတွင် လာအိုအလုပ်သမားတစ်ဦးသည် တစ်နေ့လျှင် အမေရိကန် ဒေါ်လာ ၁ဝ နှင့်ညီမျှသည့် လုပ်ခကို အနည်းဆုံးရရှိပြီး တစ်ခါတစ်ရံထို့ထက်နှစ်ဆခန့်ရတတ်သည်။ ကမ္ဘာ့ဘဏ်က ၂ဝ၁၅ ခုနှစ်အတွက် လာအိုနိုင်ငံသားတစ်ဦးချင်း၏ တစ် နှစ်ပျမ်းမျှ ဝင်ငွေမှာ ၁၇၄ဝ ဒေါ်လာသာရှိသည်ဟု ဖော်ပြထားသဖြင့် ထို လုပ်ခသည် ¤င်းတို့အတွက် မက်လောက်စရာဖြစ်နေပါသည်။

 

တရုတ်ကုမ္ပဏီများသည် သီးမွှေးအမျိုးအစားငှက်ပျောများကို အဓိက ထားစိုက်ပျိုးကြသည်ဟုသိရသည်။ သို့သော် တရုတ်ကုမ္ပဏီများ၏ ပေါင်း မြက်ရှင်းလင်းရေး၊ အပင်နှင့်အသီး ကြီးထွားရှင်သန်ရေးအတွက် ဓာတု ဗေဒပိုးသတ်ဆေးများနှင့် ဓာတ်မြေသြဇာများ အများအပြားကို သုံးစွဲနေ မှုကြောင့် မြေဆီလွှာများ ပျက်စီးကာ ထိုမြေများသည် နောက်ထပ်စိုက်ပျိုး ၍ မရသည့် အခြေအနေတွင် ကြုံတွေ့နေရသည်ဟုဆိုသည်။

 

ယခုအခါ လာအိုနိုင်ငံတွင် ငှက်ပျောစိုက်ပျိုးထုတ်လုပ်မှုများပြားလာ ပြီး ဈေးနှုန်းများကျဆင်းလာနေသဖြင့် တရုတ်ရင်းနှီးမြှုပ်နှံသူများသည် တခြားသီးနှံတစ်မျိုးဖြစ်သည့် ဖရဲသီးများကိုပါ ပြောင်းလဲစိုက်ပျိုးလာကြ သည်။ ထိုဖရဲသီးစိုက်ပျိုးရေးလုပ်ငန်းတွင်လည်း၊ ဓာတုဗေဒပိုးသတ်ဆေး နှင့် ဓာတ်မြေသြဇာများ အများအ ပြားအသုံးပြုကြရသည်ဟုသိရသည်။

 

လာအိုနိုင်ငံ ဘိုကီအိုပြည်နယ်တွင် ဓာတုဆေးဝါးများကြောင့် လုပ်ကိုင်ခွင့်မရသည့် လုပ်ငန်းရှင်အချို့သည် အိမ်နီးချင်းမြန်မာနှင့် ကမ္ဘောဒီးယား နယ်စပ်တို့တွင် ရွှေ့ပြောင်းစိုက်ပျိုးလုပ်ကိုင်ရန် ကြိုးစား နေကြသည်ဟု သိရပေသည်။

 

မောင်ပုဆိုးကြမ်း

 

Ref: “Chinese-Led Banana Boom in Laos is a Blessing and a Curse” by Brende Goh and Ahdrew R.Cmarshal (Reuters)

မောင်ပုဆိုးကြမ်း
 
Untitled Document
No comments yet...be the first to comment
  Name :  (required)
  Email :  (will not be published) (required)
  Comment :
 
Email: [email protected] Copyright 2004 Zaygwet Journal. All rights reserved.
Powered By eTrade Myanmar Co., Ltd.